ਰਿਸਦੇ ਜਖਮਾਂ ਦਾ ਪਰਤੌਅ : ਕਸ਼ਮੀਰ ਦਾ ਵਿਦਿਆਰਥੀ ਉਭਾਰ •ਛਿੰਦਰਪਾਲ

515 ਅਪ੍ਰੈਲ ਨੂੰ ਡਿਗਰੀ ਕਾਲਜ ਪੁਲਵਾਨਾ ਵਿੱਚ ਭਾਰਤੀ ਫੌਜ ਵੱਲੋਂ ਵਿਦਿਆਰਥੀਆਂ ਤੇ ਕੀਤੇ ਤਸ਼ੱਦਦ ਦੇ ਵਿਰੋਧ ‘ਚ ਪੂਰੀ ਕਸ਼ਮੀਰ ਵਾਦੀ ‘ਚ ਵਿਦਿਆਰਥੀ ਸੜਕਾਂ ਤੇ ਹਨ। ਇਸ ਘਟਨਾ ਦਾ ਮੁੱਢ ਇਸ ਘਟਨਾ ਤੋਂ ਤਿੰਨ ਦਿਨ ਪਹਿਲਾਂ ਬੱਝਦਾ ਹੈ ਜਦੋਂ ਪੁਲਵਾਨਾ ਡਿਗਰੀ ਕਾਲਜ ਵਿੱਚ ਭਾਰਤੀ ਫੌਜ ‘ਸਦਭਾਵਨਾ ਮਿਸ਼ਨ’ ਤਹਿਤ ਚਿੱਤਰਕਲਾ ਪ੍ਰਦਰਸਨੀ ਲਗਾਉਣ ਆਉਂਦੀ ਹੈ। ਵਿਦਿਆਰਥੀ ਫੌਜ ਦੁਆਰਾ ਕਸ਼ਮੀਰੀ ਲੋਕਾਂ ‘ਤੇ ਕੀਤੇ ਜਾਂਦੇ ਤਸ਼ੱਦਦ ਤੇ ਦੂਜੇ ਪਾਸੇ ਵਿਖਾਈ ਜਾਂਦੀ ਅਖੌਤੀ “ਸਦਭਾਵਨਾ” ਦਾ ਮੌਕੇ ਤੇ ਹੀ ਵਿਰੋਧ ਕਰਦੇ ਹਨ ਤੇ ਮੁਜ਼ਾਹਰਾ ਕਰਦੇ ਹੋਏ ਗੁੱਸੇ ਵਿੱਚ ਆਏ ਨੌਜਵਾਨ ਪੁਲਸ ਦੀਆਂ ਗੱਡੀਆਂ ਤੇ ਪੱਥਰਬਾਜੀ ਕਰਦੇ ਹਨ। ਤਿੰਨ ਦਿਨਾਂ ਬਾਦ ਪੁਲਸ, ਸੀਆਰਪੀਐਫ ਤੇ ਫੌਜ ਨਾਲ਼ ਕਾਲਜ ਵਿੱਚ ਦਾਖਲ ਹੁੰਦੀ ਹੈ ਤੇ 12 ਅਪ੍ਰੈਲ ਨੂੰ ਪੱਥਰਬਾਜੀ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਫੜਨ ਲਈ ਹਿੰਸਕ ਕਾਰਵਾਈ ਕਰਦੀ ਹੈ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ

ਧਰਮ ਨਿਰਪੱਖ ਕਹੇ ਜਾਂਦੇ ਦੇਸ਼ ਦੀ ਕਨੂੰਨ ਦੀ ਦੇਵੀ ਹੀ ਧਾਰਮਿਕ ਹੈ! •ਗੁਰਪ੍ਰੀਤ

12012 ਦੇ ਨਿਰਭਇਆ ਸਮੂਹਿਕ ਬਲਾਤਕਾਰ ਤੇ ਕਤਲਕਾਂਡ ਦੇ ਦੋਸ਼ੀਆਂ ਉੱਪਰ ਸਰਵਉੱਚ ਅਦਾਲਤ ਨੇ ਕੋਈ ਰਹਿਮ ਨਾ ਵਿਖਾਉਂਦੇ ਹੋਏ ਉਹਨਾਂ ਦੀ ਮੌਤ ਦੀ ਸਜਾ ਬਰਕਾਰ ਰੱਖੀ ਹੈ। ਅਦਾਲਤ ਨੇ ਇਸਨੂੰ ‘ਵਿਰਲਿਆਂ ਚੋਂ ਵਿਰਲਾ’ ਮਾਮਲਾ ਕਹਿ ਦੋਸ਼ੀਆਂ ਉੱਪਰ ਕੋਈ ਵੀ ਰਹਿਮ ਕਰਨੋ ਇਨਕਾਰ ਕਰ ਦਿੱਤਾ। ਅਜਿਹੇ ਕਾਰੇ ਰਾਹੀਂ ਆਪਣੇ ਅੰਦਰਲੇ ਮਨੁੱਖ ਨੂੰ ਮਾਰ ਚੁੱਕੇ ਇਹਨਾਂ ਦੋਸ਼ੀਆਂ ਲਈ ਮੌਤ ਦੀ ਸਜਾ ਹੋਣੀ ਹੀ ਚਾਹੀਦੀ ਹੈ। ਪਰ ਦੂਜੇ ਪਾਸੇ ਮੁੰਬਈ ਦੀ ਉੱਚ ਅਦਾਲਤ ਨੇ 2002 ਦੇ ਗੁਜਰਾਤ ਦੰਗਿਆਂ ਦੇ ਬਿਲਕੀਸ ਬਾਨੋ ਸਮੂਹਿਕ ਬਲਤਾਕਾਰ ਕਾਂਡ ਅਤੇ ਉਸਦੇ ਪਰਿਵਾਰ ਦੇ 7 ਜੀਆਂ ਦੇ ਕਤਲ ਕਾਂਡ ਦੇ 11 ਦੋਸ਼ੀਆਂ ਨੂੰ ਉਮਰ ਕੈਦ ਦੀ ਸਜਾ ਦਿੱਤੀ ਪਰ ਉਹਨਾਂ ਲਈ ਮੌਤ ਦੀ ਸਜਾ ਦੀ ਅਪੀਲ ਰੱਦ ਕਰ ਦਿੱਤੀ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ

ਉੱਚ-ਸਿੱਖਿਆ ਵਿੱਦਿਅਕ ਸੰਸਥਾਵਾਂ ਉੱਤੇ ਫਾਸੀਵਾਦੀ ਹੱਲਾ •ਪਰਮਜੀਤ

3

ਕੁਝ ਦਿਨ ਪਹਿਲਾਂ ਪੰਜਾਬ ਯੂਨੀਵਰਸਿਟੀ, ਚੰਡੀਗੜ ਦੇ ਵਿਦਿਆਰਥੀਆਂ ਨੇ ਆਪਣੇ ਜੁਝਾਰੂ ਏਕੇ ਸਦਕਾ ਫ਼ੀਸਾਂ ਵਿੱਚ ਵਾਧੇ ਖਿਲਾਫ਼ ਲੜਾਈ ਜਿੱਤ ਲਈ। ਇਸ ਸੰਘਰਸ਼ ਦੌਰਾਨ ਸ਼ਾਂਤਮਈ ਵਿਰੋਧ ਕਰ ਰਹੇ ਵਿਦਿਆਰਥੀਆਂ ਉੱਤੇ ਰਾਜ ਦੇ ਜਬਰ-ਤੰਤਰ ਨੇ ਜਿਸ ਤਰਾਂ ਭਿਅੰਕਰ ਲਾਠੀਚਾਰਜ, ਅੱਥਰੂ ਗੈਸ ਅਤੇ ਲੱਭ-ਲੱਭ ਕੇ ਕੁੱਟਮਾਰ, 60 ਤੋਂ ਵਧੇਰੇ ਵਿਦਿਆਰਥੀ ਉੱਤੇ ਦੇਸ਼ਧ੍ਰੋਹ ਸਮੇਤ ਕਈ ਪਰਚੇ ਤੇ ਹਿਰਾਸਤੀ ਤਸ਼ੱਦਦ ਰਾਹੀਂ ਜਬਰ ਢਾਹਿਆ, ਉਹ ਸਾਫ਼ ਕਰ ਰਿਹਾ ਸੀ ਕਿ ਸੱਤਾ ਹੁਣ ਹਰ ਤਰਾਂ ਦੇ ਵਿਰੋਧ ਨੂੰ ਕਰੜੇ ਹੱਥੀਂ ਨਜਿੱਠਣ ਦੀਆਂ ਪੂਰੀਆਂ ਤਿਆਰੀਆਂ ਵਿੱਚ ਹੈ। ਸੱਤਾਧਾਰੀ ਭਾਜਪਾ ਜਿਹੜਾ ਕਿ ਭਾਰਤੀ ਫਾਸੀ ਜਥੇਬੰਦੀ ਰਾ.ਸ.ਸ. (ਸੰਘ) ਦਾ ਪਾਰਲੀਮਾਨੀ ਮਖੌਟਾ ਹੈ, ਦੇ ਜਨਤਕ ਨੁਮਾਇੰਦੇ ਪੂਰੀ ਤਰਾਂ ਪੁਲਿਸ ਦੀ ਪਿੱਠ ਥੋਕ ਰਹੇ ਸਨ, ਉੱਥੇ ਸੰਘ ਨਾਲ਼ ਜੁੜੀ ਵਿਦਿਆਰਥੀ ਜਥੇਬੰਦੀ ਅ.ਭਾ.ਵਿ.ਪ. (ਏਬੀਵੀਪੀ) ਰਾਹੀਂ ਸੰਘ ਯੂਨਿਵਰਸਿਟੀ ਦੇ ਮੌਜੂਦਾ ਉਪ-ਕੁਲਪਤੀ ਨੂੰ ਹਟਾ ਕੇ ਆਪਣਾ ਹੱਥਠੋਕਾ ਤਾਇਨਾਤ ਕਰਨ ਦੀਆਂ ਗੋਂਦਾਂ ਗੁੰਦ ਰਿਹਾ ਸੀ। ਭਾਵੇਂ ਮੌਜੂਦਾ ਉਪ-ਕੁਲਪਤੀ ਵੀ ਪੂਰੀ ਤਰਾਂ ਸੱਤਾ ਦਾ ਵਫ਼ਾਦਾਰ ਹੈ ਪਰ ਸੰਘ ਨੂੰ ਸਿਰਫ਼ ਵਫ਼ਾਦਾਰ ਹੀ ਨਹੀਂ, ਸਗੋਂ “ਆਪਣਾ ਕੌਮਵਾਦੀ” ਵਫ਼ਾਦਾਰ ਚਾਹੀਦਾ ਹੈ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ

ਇਕਲਾਪੇ ਉਦਾਸੀ ਅਤੇ ਬੇਚੈਨੀ ਦਾ ਯੁੱਗ : ਸਰਮਾਏਦਾਰੀ ਢਾਂਚੇ ਅੰਦਰ ਮਨੁੱਖ ਦੀ ਆਪਣੇ ਹੀ ਮਾਨਵੀ ਸਾਰ ਤੋਂ ਬੇਗਾਨਗੀ •ਡਾ. ਸੁਖਦੇਵ ਹੁੰਦਲ

2“ਅਸੀਂ ਇਸ ਸਮੇਂ ਨੂੰ ਕੀ ਆਖਾਂਗੇ? ਇਹ ਸੂਚਨਾ ਦਾ ਯੁੱਗ ਨਹੀਂ ਹੈ : ਜਨਤਕ ਸਿੱਖਿਆ ਦੀ ਮੁਹਿੰਮ ਦੇ ਢਹਿ-ਢੇਰੀ ਹੋਣ ਨਾਲ਼ ਪੈਦਾ ਹੋਇਆ ਖਲਾਅ, ਬਜ਼ਾਰੀ ਅਤੇ ਸਾਜਸ਼ੀ ਸਿਧਾਂਤਾਂ ਨਾਲ਼ ਭਰ ਗਿਆ ਹੈ। ਪੱਥਰ ਯੁੱਗ, ਲੋਹਾ ਯੁੱਗ ਅਤੇ ਪੁਲਾੜੀ ਯੁੱਗ ਵਾਂਗ, ਸੂਚਨਾ ਦਾ ਯੁੱਗ ਸਾਡੀਆਂ ਕਲਾਕਿਰਤਾਂ ਬਾਰੇ ਤਾਂ ਬਹੁਤ ਕੁਝ ਦੱਸਦਾ ਹੈ, ਪਰ ਸਮਾਜ ਬਾਰੇ ਬਹੁਤ ਘੱਟ। ਐਂਥਰੋਪੋਸੀਨ ਕਾਲ(ਧਰਤੀ ਦੇ ਵਾਤਾਵਰਨ ‘ਤੇ ਮਨੁੱਖੀ ਕਾਰਵਾਈਆਂ ਦੇ ਅਸਰ ਦਾ ਯੁੱਗ) ਜਿਸ ਯੁੱਗ ਵਿੱਚ ਮਨੁੱਖ ਨੇਂ ਜੀਵ ਮੰਡਲ ‘ਤੇ ਭਾਰੀ ਅਸਰ ਛੱਡਿਆ ਇਸ ਸਦੀ ਦਾ ਪਿਛਲੀਆਂ 20 ਸਦੀਆਂ ਨਾਲੋਂ ਨਿਖੇੜਾ ਕਰਨ ਵਿੱਚ ਅਸਫਲ ਹੈ। ਉਹ ਕਿਹੜੀ ਸਪਸ਼ਟ ਸਮਾਜਕ ਤਬਦੀਲੀ ਹੈ ਜੋ ਸਾਡੇ ਸਮੇਂ ਨੂੰ ਪਹਿਲਿਆਂ ਸਮਿਆਂ ਤੋਂ ਵੱਖ ਕਰਦੀ ਹੈ? ਮੇਰੇ ਲਈ ਇਹ ਸਪਸ਼ਟ ਹੈ, ਇਹ ਇਕਲਾਪੇ ਦਾ ਯੁੱਗ ਹੈ।”-(ਅੰਗ੍ਰੇਜੀ ਅਖਬਾਰ ‘ਗਾਰਡੀਅਨ’ ਵਿੱਚ ਲਿਖੇ, ਜਾਰਜ ਮੋਨਬਿਉਟ ਦੇ ਲੇਖ ‘ਇਕਲਾਪੇ ਦਾ ਯੁੱਗ ਸਾਨੂੰ ਮਾਰ ਰਿਹਾ ਹੈ’ ਵਿੱਚੋਂ, ਅਕਤੂਬਰ 2014)…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ

ਫ਼ਰਾਂਸੀਸੀ ਚੋਣਾਂ ਦੇ ਨਤੀਜੇ – ਯੂਰਪ ਵਿੱਚ ਹੋ ਰਹੇ ਸਿਆਸੀ ਧਰੁਵੀਕਰਨ ਦੀ ਹੀ ਇੱਕ ਕੜੀ •ਮਾਨਵ

4ਸਿਆਸੀ ਉਥਲ-ਪੁਥਲ ਅੱਜ ਯੂਰੋਪ ਸਮੇਤ ਪੂਰੇ ਪੱਛਮੀ ਸੰਸਾਰ ਵਿੱਚ ਇੱਕ ਆਮ ਵਰਤਾਰਾ ਬਣ ਚੁੱਕੀ ਹੈ । ਸਪੇਨ, ਯੂਨਾਨ ਦੀ ਆਰਥਿਕ-ਸਿਆਸੀ ਸਥਿਤੀ, ਬ੍ਰੈਕਜ਼ਿਟ ਵਰਤਾਰਾ ਅਤੇ ਅਮਰੀਕਾ ਵਿੱਚ ਟਰੰਪ ਦਾ ਚੁਣਿਆ ਜਾਣਾ ਇਸ ਉਥਲ-ਪੁਥਲ ਦੀਆਂ ਹਾਲੀਆ ਵੱਡੀਆਂ ਘਟਨਾਵਾਂ ਹਨ। 2008 ਤੋਂ ਸ਼ੁਰੂ ਹੋਏ ਆਰਥਿਕ ਸੰਕਟ ਦਾ ਅਜੇ ਤੱਕ ਸਰਮਾਏਦਾਰਾ ਜਗਤ ਕੋਲ਼ ਕੋਈ ਤੋੜ ਮੌਜੂਦ ਨਹੀਂ ਹੈ ਅਤੇ ਲਗਾਤਾਰ ਵੱਖ-ਵੱਖ ਸਰਕਾਰਾਂ ਇਸ ਸੰਕਟ ਦਾ ਬੋਝ ਮਜ਼ਦੂਰਾਂ, ਨੌਜਵਾਨਾਂ ਉੱਤੇ ਸੁੱਟ ਰਹੀਆਂ ਹਨ ਜਿਸ ਖ਼ਿਲਾਫ਼ ਇਹ ਲੁਟੀਂਦੇ ਤਬਕੇ ਵੀ ਚੁੱਪ ਕਰਕੇ ਨਹੀਂ ਬੈਠੇ ਹਨ ਸਗੋਂ ਲਗਾਤਾਰ ਹੜਤਾਲਾਂ, ਧਰਨਿਆਂ ਰਾਹੀਂ ਹਾਕਮਾਂ ਨੂੰ ਵਖ਼ਤ ਪਾਏ ਹੋਏ ਹਨ। ਇਹ ਸਹੀ ਹੈ ਕਿ ਆਪ-ਮੁਹਾਰੇ ਉੱਠ ਰਹੇ ਹਨ ਇਹ ਸੰਘਰਸ਼ ਅਜੇ ਇੱਕ ਸਹੀ ਇਨਕਲਾਬੀ ਬਦਲ ਦੀ ਦਿਸ਼ਾ ਵੱਲ ਨਹੀਂ ਵਧ ਰਹੇ ਪਰ ਕਿਰਤੀ ਲੋਕਾਂ ਦਾ ਇਸ ਤਰਾਂ ਸੜਕਾਂ ਉੱਤੇ ਆਉਣਾ ਇੱਕ ਮੁਬਾਰਕ ਸੰਕੇਤ ਹੈ ਜੋ ਆਉਣ ਵਾਲੇ ਚੰਗੇ ਭਵਿੱਖ ਦੀ ਪੇਸ਼ੀਨਗੋਈ ਕਰ ਰਿਹਾ ਹੈ। ਇਸ ਦੇ ਨਾਲ਼-ਨਾਲ਼ ਹੀ ਕਿਰਤੀ ਲੋਕਾਂ ਦਾ ਰਵਾਇਤੀ ਪਾਰਟੀਆਂ ਨਾਲੋਂ ਮੋਹ ਲਗਾਤਾਰ ਖੁਰਦਾ ਜਾ ਰਿਹਾ ਹੈ। ਲੋਕ ਸਮਝ ਰਹੇ ਹਨ ਕਿ ਇਹ ਇਹਨਾਂ ਪਾਰਟੀਆਂ ਵੱਲੋਂ ਦਹਾਕਿਆਂ ਬੱਧੀ ਅਪਣਾਈਆਂ ਗਈਆਂ ਆਰਥਿਕ ਨੀਤੀਆਂ ਦਾ ਹੀ ਸਿੱਟਾ ਹੈ ਕਿ ਅੱਜ ਉਹਨਾਂ ਨੂੰ ਆਪਣੇ ਬੁਨਿਆਦੀ ਜਿਹੇ ਹੱਕਾਂ ਲਈ ਵੀ ਸੜਕਾਂ ‘ਤੇ ਆਉਣਾ ਪੈ ਰਿਹਾ ਹੈ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ

ਬਾਲੀਵੁਡ ਫਿਲਮਾਂ ‘ਚ ਵੱਧਦਾ ਅੰਨਾ-ਕੌਮਵਾਦ ਅਤੇ ਸੰਘ ਪੱਖੀ ਰੁਝਾਨ •ਕੁਲਦੀਪ

2ਭਾਰਤ ਵਿੱਚ ਅੰਨਾ-ਕੌਮਵਾਦ ਦੀ ਸੁਰ ਦਿਨੋ-ਦਿਨ ਉੱਚੀ ਹੁੰਦੀ ਜਾ ਰਹੀ ਹੈ ਅਤੇ ਇਸ ਸੁਰ ਨੂੰ ਅਲਾਪਣ ਵਾਲ਼ਾ ਸੰਘੀ ਲਾਣਾ ਵੀ ਦਿਨੋ-ਦਿਨ ਆਪਣਾ ਅਧਾਰ ਮਜ਼ਬੂਤ ਕਰਦਾ ਜਾ ਰਿਹਾ ਹੈ, ਜਿਸ ਗੱਲ ਦਾ ਅੰਦਾਜ਼ਾ ਸੰਘ ਦੀਆਂ ਤੇਜ਼ੀ ਨਾਲ਼ ਫੈਲ ਰਹੀਆਂ ਸ਼ਾਖ਼ਾਵਾਂ ਤੋਂ ਲਾਇਆ ਜਾ ਸਕਦਾ ਹੈ। ਵਿਅੰਜਨਾ ਭਾਰਤੀ (ਵਿਗਿਆਨ ਤੇ ਖੋਜ ਖੇਤਰ ‘ਚ ਸਰਗਰਮ ਰਾਸ਼ਟਰੀ ਸੋਇਮ ਸੇਵਕ ਸੰਘ ਦਾ ਵਿੰਗ ਜਿਸਦੀਆਂ 11 ਉੱਪ-ਸ਼ਾਖਾਵਾਂ ਹਨ ਜੋ ਦੇਸ਼ ਦੇ 24 ਸੂਬਿਆਂ ‘ਚ ਸਰਗਰਮ ਹੈ), ਵਿੱਦਿਆ ਭਾਰਤੀ (ਸਿੱਖਿਆ ਖੇਤਰ ਦਾ ਵਿੰਗ; ਸ਼ਿਸ਼ੂ ਮੰਦਿਰ, ਸ਼ਿਸ਼ੂ ਵਾਟਿਕਾ, ਵਿੱਦਿਆ ਮੰਦਿਰ, ਸਰਸਵਤੀ ਵਿਦਿਆਲਯਾ ਆਦਿ ਸ਼ਾਖ਼ਾਵਾਂ), ਸੇਵਾ ਭਾਰਤੀ, ਵਣਵਾਸੀ ਕਲਿਆਣ ਆਸ਼ਰਮ (ਸਮਾਜਿਕ ਸੇਵਾ ਵਿੰਗ), ਦੁਰਗਾ ਵਾਹਿਣੀ, ਹਿੰਦੂ ਯੁਵਾ ਵਾਹਿਣੀ, ਬਜਰੰਗ ਦਲ, ਗਊ ਰਕਸ਼ਾ ਦਲ, ਹਿੰਦੂ ਤਖ਼ਤ, ਸ਼੍ਰੀਰਾਮ ਸੇਨਾ, ਵਿਸ਼ਵ ਹਿੰਦੂ ਪ੍ਰੀਸ਼ਦ, ਯੁਵਾ ਭਾਰਤੀ ਆਦਿ ਵਰਗੀਆਂ ਜਥੇਬੰਦੀਆਂ ਅਤੇ ਸਹਿ-ਜਥੇਬੰਦੀਆਂ ਰਾਹੀਂ ਸੰਘ ਨੇ ਦੇਸ਼ ਦੇ ਕੋਨੇ-ਕੋਨੇ ਅਤੇ ਸਮਾਜ ਦੇ ਹਰ ਵਰਗ ਤੱਕ ਆਪਣੀ ਰਸਾਈ ਬਣਾ ਲਈ ਹੈ। ਪਰ ਹੁਣ ਫਿਲਮ ਖੇਤਰ ‘ਚ ਵੀ ਸੰਘ ਦਾ ਏਜੰਡਾ ਫੈਲ ਰਿਹਾ ਹੈ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ

ਆਮ ਆਦਮੀ ਪਾਰਟੀ ਦਾ ਕਾਟੋ ਕਲੇਸ਼ •ਸੰਪਾਦਕੀ

1ਪੰਜਾਬ ਵਿਧਾਨ ਸਭ ਚੋਣਾਂ ਵਿੱਚ ‘ਆਪ’ ਦੀ ਕਿਆਸੇ ਨਤੀਜਿਆਂ ਨਾਲੋਂ ਬੁਰੇ ਢੰਗ ਨਾਲ਼ ਹਾਰ ਮਗਰੋਂ ਹੁਣ ‘ਆਪ’ ਦੇ ਗੜ• ਮੰਨੇ ਜਾਂਦੇ ਦਿੱਲੀ ਵਿੱਚ ਵੀ ਨਗਰ ਨਿਗਮ ਦੀਆਂ ਚੋਣਾਂ ਵਿੱਚ ‘ਆਪ’ ਦੀ ਬੁਰੀ ਤਰਾਂ ਹਾਰ ਹੋਈ ਹੈ ਤੇ ਭਾਜਪਾ ਦੀ ਜਿੱਤ ਹੋਈ ਹੈ। ਇਹਨਾਂ ਦੋ ਵੱਡੀਆਂ ਹਾਰਾਂ ਮਗਰੋਂ ‘ਆਪ’ ਵਿੱਚ ਆਪਸੀ ਪਾਟੋ-ਧਾੜ ਤੇ ਕਲੇਸ਼ਬਾਜੀ ਹੋਰ ਸਿਖਰ ‘ਤੇ ਪੁੱਜ ਗਈ ਹੈ। ਅਨੇਕਾਂ ਵਿਦਵਾਨਾ, ਕੁੱਝ ਖੱਬੇਪੱਖੀਆਂ ਤੇ ਸਾਬਕਾ ਕਮਿਊਨਿਸਟਾਂ ਨੂੰ ‘ਆਪ’ ਦਾ ਉਭਾਰ ਭਾਰਤੀ ਪਾਰਲੀਮਾਨੀ ਸਿਆਸਤ ਵਿੱਚ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਲੱਗ ਰਹੀ ਸੀ ਪਰ ਇਹਨਾਂ ਹਾਰਾਂ ਨੇ ਉਹਨਾਂ ਦੇ ਹਵਾਈ ਸੁਪਨਿਆਂ ਨੂੰ ਧਰਤੀ ‘ਤੇ ਲਿਆ ਕੇ ਪਟਕ ਦਿੱਤਾ ਹੈ। ਜਿਵੇਂ ਕਿ ਪਾਰਲੀਮਾਨੀ ਸਿਆਸਤ ਵਿੱਚ ਆਮ ਹੁੰਦਾ ਹੈ, ਇਹਨਾਂ ਹਾਰਾਂ ਮਗਰੋਂ ਬਹੁਤੇ ਚੋਣ “ਵਿਸ਼ਲੇਸ਼ਕ” ਇਹਨਾਂ ਹਾਰਾਂ ਲਈ ਤਰਾਂ-ਤਰਾਂ ਦੀ ਵਿਆਖਿਆ ਦੇ ਰਹੇ ਹਨ। ਕੁੱਝ ਤਾਂ ਇਸਦਾ ਪੂਰਾ ਠੀਕਰਾ ਲੋਕਾਂ ਦੀ ਕਥਿਤ ਅਨਪੜਤਾ, ਮੂਰਖਤਾ ‘ਤੇ ਭੰਨ ਰਹੇ ਹਨ, ਕੁੱਝ ਵੋਟਿੰਗ ਮਸ਼ੀਨਾਂ ਵਿੱਚ ਹੇਰਾਫੇਰੀ ਨੂੰ ਕਾਰਨ ਵਜੋਂ ਵੇਖਦੇ ਹਨ, ਕੁੱਝ ਗਲਤ ਉਮੀਦਵਾਰਾਂ ਦੀੰ ਚੋਣ ਨੂੰ ਕਾਰਨ ਮੰਨਦੇ ਹਨ ਅਤੇ ਕੁੱਝ ਪਾਰਟੀ ਨੀਤੀਆਂ ਜਾਂ ਫੇਰ ਕੁੱਝ ਵਿਅਕਤੀਆਂ ਵਿੱਚ ਹੀ ਇਸਦੇ ਕਾਰਨ ਲੱਭਣ ਲੱਗੇ ਹੋਏ ਹਨ। ਕੁੱਲ ਮਿਲਾ ਕੇ ਇਹ ਸਾਰੇ ਵਿਸ਼ਲੇਸ਼ਣ ਬੰਦ ਹਨੇਰੇ ਕਮਰੇ ਵਿੱਚ ਟੱਕਰਾਂ ਮਾਰਨਾ ਸਾਬਤ ਹੋ ਰਹੇ ਹਨ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਲਲਕਾਰ – ਤਬਦੀਲੀ ਪਸੰਦ ਨੌਜਵਾਨਾਂ ਵਿਦਿਆਰਥੀਆਂ ਦੀ ਮੈਗਜ਼ੀਨ” – ਅੰਕ 7, 16 ਤੋਂ 31 ਮਈ, 2017 ਵਿੱਚ ਪ੍ਰਕਾਸ਼ਤ