ਕਰਫਿਊ ਤੇ ਲਾਕਡਾਊਨ

ਪਿਆਰੇ ਲੋਕੋ,

ਕਰੋਨਾ ਵਾਇਰਸ ਤੇ ਇਸ ਕਾਰਨ ਲਾਏ ਕਰਫਿਊ ਤੇ ਕੀਤੇ ਲਾਕਡਾਊਨ ਸਦਕਾ ਮੁਲਕ ਸਮੇਤ ਸੂਬੇ ਵਿੱਚ ਵੀ ਹਾਲਤ ਗੰਭੀਰ ਬਣੇ ਹੋਏ ਹਨ। ਇਸ ਹਾਲਤ ਨੂੰ ਮੁੱਖ ਰੱਖਦੇ ਹੋਏ ਪੰਜਾਬ ਦੇ ਕਿਸਾਨਾਂ, ਖੇਤ ਮਜ਼ਦੂਰਾਂ, ਸਨਅਤੀ ਤੇ ਬਿਜਲੀ ਕਾਮਆਿਂ, ਠੇਕਾ ਮੁਲਾਜ਼ਮਾਂ ਅਤੇ ਨੌਜਵਾਨ ਤੇ ਵਿਦਿਆਰਥੀਆਂ ਦੀਆਂ 15 ਜਥੇਬੰਦੀਆਂ ਦੀਆਂ ਸਰਕਾਰ ਤੋਂ ਇਹ ਮੰਗਾਂ ਹਨ –

1. ਸਭਨਾ ਲਈ ਮੁਫ਼ਤ ਇਲਾਜ ਅਤੇ ਲੋਡ਼ਵੰਦਾਂ ਲਈ ਮੁਫ਼ਤ ਖਾਧ ਖੁਰਾਕ ਦੇਣਾ ਯਕੀਨੀ ਬਣਾਇਆ ਜਾਵੇ। ਪੇਂਡੂ ਤੇ ਸ਼ਹਿਰੀ ਆਬਾਦੀ ਦੇ ਧੁਰ ਹੇਠਾਂ ਤੱਕ ਸਿਹਤ ਕੇਂਦਰਾਂ ਅਤੇ ਲੋਕ ਵੰਡ ਪ੍ਰਣਾਲੀ ਲਈ ਰਾਸ਼ਨ ਡਿਪੂਆਂ ਦੇ ਢਾਂਚੇ ਦਾ ਪਸਾਰਾ ਕੀਤਾ ਜਾਵੇ।

2. ਸਿਹਤ ਸੇਵਾਵਾਂ ਦਾ ਕੌਮੀਕਰਨ ਕਰਕੇ ਇਹਨਾਂ ਦਾ ਜੰਗੀ ਪੱਧਰ ‘ਤੇ ਪਸਾਰਾ ਕੀਤਾ ਜਾਵੇ…

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ

ਮਾਰਚ 2020 ਦਾ ਭਾਰਤ •ਸੁਖਦੇਵ ਹੁੰਦਲ

6

– ਅਗਲੀਆਂ ਪੀੜੀਆਂ ਯਾਦ ਰੱਖਣਗੀਆਂ; ਜਦੋਂ ਸਾਰੀ ਦੁਨੀਆਂ ਵਿੱਚ ਕਰੋਨਾ ਵਾਇਰਸ ਕਾਰਨ ਹਾਹਾਕਾਰ ਮੱਚੀ ਹੋਈ ਸੀ, ਉਦੋਂ ਸਾਡੇ ਹਾਕਮ ਹਥਿਆਰਾਂ ਦੇ ਸੌਦੇ ਕਰ ਰਹੇ ਸਨ।

– ਇਹਨੀਂ ਦਿਨੀਂ ਕੁਝ ਦਿਲ ਨੂੰ ਹਿਲਾ ਦੇਣ ਵਾਲੀਆਂ ਖਬਰਾਂ ਅਤੇ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਕਰੋੜਾਂ ਦੀ ਗਿਣਤੀ ਵਿੱਚ ਮਜ਼ਦੂਰ ਅਤੇ ਹੋਰ ਕਿਰਤੀ ਕਾਮੇ ਸੜਕਾਂ ‘ਤੇ ਰੁਲ ਰਹੇ ਹਨ। ਕੰਮ ਤੋਂ ਜੁਆਬ ਮਿਲਣ ‘ਤੇ, ਨਿਕ-ਸੁਕ ਵਾਲੀਆਂ ਗੰਢੜਿਆਂ ਸਿਰ ‘ਤੇ ਚੁੱਕੀ, ਭੁੱਖਣ ਭਾਣੇ, ਰੋਂਦੇ ਵਿਲਕਦੇ ਬੱਚਿਆਂ ਨੂੰ ਚੁੱਕ ਕੇ, ਖਿੱਚਦੇ ਧੂੰਹਦੇ, ਆਪੋ ਆਪਣੇ ਘਰਾਂ ਨੂੰ ਤੁਰ ਪਏ ਹਨ। ਸ਼ਾਇਦ ਇਹ ਆਜ਼ਾਦੀ ਤੋਂ ਬਾਅਦ ਦੀ, ਕਿਰਤੀ ਆਬਾਦੀ ਦੀ ਸਭ ਤੋਂ ਵੱਡੀ ਹਿਜ਼ਰਤ ਹੈ।

-ਆਪਣੇ ਮਾਪਿਆਂ ਨੂੰ ਭਾਰਤੀ ਪੁਲੀਸ ਹੱਥੋਂ ਮਾਰ ਖਾਂਦਿਆਂ ਵੇਖਣ ਵਾਲੇ, ਇਹ ਡਰੇ ਸਹਿਮੇ ਬਾਲ, ਕੀ ਉਮਰ ਭਰ ਇਹ ਭੁੱਲ ਸਕਣਗੇ ?

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ

ਕਰੋਨਾਵਾਇਰਸ ਬਾਰੇ ਨੁਕਤੇਵਾਰ ਕੁਝ ਗੱਲਾਂ

5

ਨਵਾਂ ਕਰੋਨਾਵਾਇਰਸ ਕਰੋਨਾ ਪਰਿਵਾਰ ਦਾ ਇੱਕ ਅੰਗ ਹੈ ਜਿਸ ਨੂੰ ਕੋਵਿਡ-19 ਵੀ ਕਿਹਾ ਜਾ ਰਿਹਾ ਹੈ। ਮਨੁੱਖੀ ਸਰੀਰ ਨੂੰ ਬਿਮਾਰ ਕਰਨ ਵਾਲੇ ਪੌਣੇ 200 ਦੇ ਲਗਭਗ ਵਾਇਰਸਾਂ ਵਿੱਚੋਂ ਇਹ ਵੀ ਇੱਕ ਹੈ ਜਿਹੜਾ ਸਾਹ ਸੰਬੰਧੀ ਬਿਮਾਰੀ ਸਾਨੂੰ ਕਰ ਸਕਦਾ ਹੈ। ਇਸ ਦੇ ਲੱਛਣ ਵੀ ਆਮ ਫਲੂ ਵਾਂਗ ਸਰਦੀ, ਜ਼ੁਕਾਮ, ਬੁਖਾਰ ਆਦਿ ਹੁੰਦੇ ਹਨ। ਇੱਕ ਆਮ ਫਲੂ ਜਿਸ ਤਰਾਂ ਨਮੂਨੀਏ ਵਿੱਚ ਵਟਕੇ ਲੋਕਾਂ ਨੂੰ ਮਾਰ ਸਕਦਾ ਹੈ ਉਸੇ ਤਰਾਂ ਇਹ ਵਾਇਰਸ ਵੀ ਕਰ ਸਕਦਾ ਹੈ। ਇਕੱਲੇ ਆਮ ਫਲੂ (ਤੇ ਨਮੂਨੀਏ) ਨਾਲ਼ ਸੰਸਾਰ ਭਰ ਵਿੱਚ ਹਰ ਸਾਲ 2 ਤੋਂ 6 ਲੱਖ ਮੌਤਾਂ ਹੁੰਦੀਆਂ ਹਨ। ਇਕੱਲੇ ਵਿਕਸਤ ਅਮਰੀਕਾ ਵਿੱਚ ਹੀ 50 ਹਜ਼ਾਰ ਦੇ ਕਰੀਬ ਮੌਤਾਂ ਇਸ ਨਾਲ਼ ਹੁੰਦੀਆਂ ਹਨ। ਪਰ ਅਜਿਹਾ ਮੁੱਖ ਤੌਰ ‘ਤੇ ਉਹਨਾਂ ਲੋਕਾਂ ਨੂੰ ਹੁੰਦਾ ਹੈ ਜਿਹਨਾਂ ਦੀ ਬਿਮਾਰੀਆਂ ਨਾਲ਼ ਲੜ੍ਹਨ ਦੀ ਸਮਰੱਥਾ ਬੇਹੱਦ ਘੱਟ ਹੋਵੇ ਜਿਸ ਦਾ ਕਾਰਨ ਬੁਢਾਪਾ ਹੋ ਸਕਦਾ ਹੈ ਤੇ ਗੈਰ-ਤੰਦਰੁਸਤ ਜਿਉਣ ਢੰਗ (ਸਿਗਰਟਾਂ, ਸ਼ਰਾਬਾਂ, ਫਾਸਟ ਫ਼ੂਡ ਆਦਿ) ਕਰਕੇ ਪਹਿਲੋਂ ਸਹੇੜੀਆਂ ਬਿਮਾਰੀਆਂ (ਸ਼ੂਗਰ, ਬੀਪੀ, ਤਣਾਅ, ਦਿਲ ਦੀਆਂ ਬਿਮਾਰੀਆਂ ਆਦਿ) ਵੀ ਇਸ ਦਾ ਕਾਰਨ ਬਣਦੀਆਂ ਹਨ…

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ

ਕੀ ਲੋਕਾਂ ਦੀ ਮਦਦ ਕਰਨ ਲਈ ਸਰਕਾਰਾਂ ਕੋਲ ਫੰਡ ਦੀ ਘਾਟ ਹੈ? ਆਓ ਵੇਖੀਏ! •ਪਾਵੇਲ

4

ਕੇਂਦਰ ਅਤੇ ਸੂਬਾ ਸਰਕਾਰਾਂ ਵੱਲੋਂ ਕਰੋਨਾ ਨੂੰ ਮਹਾਂਮਾਰੀ ਐਲਾਨੇ ਜਾਣ ਤੋਂ ਬਾਅਦ ਇਸ ਮਹਾਂਮਾਰੀ ਨਾਲ ਨਜਿੱਠਣ ਲਈ ਸਰਕਾਰਾਂ ਲੋਕਾਂ ਤੋਂ ਫੰਡ ਮੰਗ ਰਹੀਆਂ ਹਨ। ਲੋਕਾਂ ਦਾ ਲੱਖਾਂ ਕਰੋੜ ਨੱਪੀ ਬੈਠੇ ਅਡਾਨੀ ਵਰਗੇ ਸਰਮਾਏਦਾਰਾਂ ਤੋਂ ਲੈ ਫਿਲਮੀ ਸਿਤਾਰੇ ਵੀ ਇੱਕ ਦੂਜੇ ਤੋਂ ਮੂਹਰੇ ਹੋ ਕੇ ਦਾਨ ਦੇ ਰਹੇ ਹਨ। ਇਹਨਾਂ “ਦਾਨੀ ਸੱਜਣਾਂ” ਵੱਲੋਂ ਸਰਕਾਰਾਂ ਨੂੰ “ਦਾਨ” ਦਿੰਦਿਆਂ ਵੇਖ ਕੁਝ ਭੋਲ਼ੇ ਲੋਕਾਂ ਦਾ ਵੀ ਮੋਦੀ ਖੱਟਰ ਵਰਗਿਆਂ ਦੀਆਂ ਅਪੀਲਾਂ ਨਾਲ ਦਿਲ ਝੰਜੋੜਿਆ ਗਿਆ ਹੈ ਅਤੇ ਹੁਣ ਇਹ ਵੀ ਕੇਂਦਰ ਅਤੇ ਸੂਬਾ ਸਰਕਾਰਾਂ ਨੂੰ ਫੰਡ ਦੇ ਰਹੇ ਹਨ। ਪਹਿਲੀ ਗੱਲ ਤਾਂ ਇਹ ਹੈ ਕਿ ਕੇਂਦਰ ਤੇ ਸੂਬਾ ਸਰਕਾਰਾਂ ਜੇਕਰ ਲੋਕਾਂ ਦੀ ਮਦਦ ਕਰਨੀਆਂ ਚਾਹੁੰਦੀਆਂ ਹਨ ਤਾਂ ਉਹਨਾਂ ਨੂੰ ਫ਼ੰਡ ਦੀ ਕੋਈ ਘਾਟ ਨਹੀਂ ਹੈ, ਗੱਲ ਨੀਅਤ ਦੀ ਹੈ। ਅੱਜ ਜਦੋਂ ਸਿਹਤ ਸੇਵਾਵਾਂ ਦਾ ਮੰਦਾ ਹਾਲ ਹੈ, ਡਾਕਟਰਾਂ ਕੋਲ ਮਾਸਕ ਤੋਂ ਲੈ ਹੋਰ ਜ਼ਰੂਰੀ ਸਾਜ਼ੋ ਸਾਮਾਨ ਦੀ ਘਾਟ ਹੈ, ਪ੍ਰਵਾਸੀ ਮਜ਼ਦੂਰਾਂ ਨੇ ਪੈਦਲ ਹੀ ਘਰਾਂ ਨੂੰ ਚਾਲੇ ਪਾਏ ਹੋਏ ਹਨ, ਕਿਰਤੀ ਘਰਾਂ ਵਿੱਚ ਭੁੱਖੇ ਹੀ ਕੈਦ ਹਨ…

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ

ਪ੍ਰਵਾਸੀ ਮਜ਼ਦੂਰ, ਕੋਰੋਨਾ-ਕਰਫਿਊ ਆਫ਼ਤ ਅਤੇ ਅੰਨ੍ਹਾ ਕੌਮਪ੍ਰਸਤ ਪ੍ਰਚਾਰ

3

‘ਮਹਿਕਮਾ ਪੰਜਾਬੀ’ ਫੇਸਬੁੱਕ ਪੰਨੇ ਉੱਤੇ ਪਾਈ ਗਈ ਇੱਕ ਪੋਸਟ ਅਤੇ ਇਸ ਉੱਤੇ ਟਿੱਪਣੀਆਂ ਕਰਨ ਵਾਲ਼ੇ ਬਹੁਤਿਆਂ ਨੂੰ ਅੰਨ੍ਹੀ ਕੌਮਪ੍ਰਸਤੀ ਨੇ ਏਨਾ ਅੰਨ੍ਹਾ ਕਰ ਦਿੱਤਾ ਹੈ ਕਿ ਉਹ ਕੋਰੋਨਾ ਅਤੇ ਕਰਫਿਊ ਦੀ ਇਸ ਆਫ਼ਤ ਕਾਰਨ ਭੁੱਖ ਤੇ ਮੌਤ ਦਾ ਸਾਹਮਣਾ ਕਰ ਰਹੇ ਗਰੀਬ ਪ੍ਰਵਾਸੀ ਮਜ਼ਦੂਰਾਂ ਖਿਲਾਫ਼ ਵੀ ਜ਼ਹਿਰ ਉਗਲਣ ਤੇ ਨਫ਼ਰਤ ਭੜਕਾਉਣ ਤੋਂ ਬਾਜ਼ ਨਹੀਂ ਆ ਰਹੇ। ਇਹਨਾਂ ਮਜ਼ਦੂਰਾਂ ਦਾ ਕਸੂਰ ਕੀ ਹੈ? ‘ਮਹਿਕਮਾ ਪੰਜਾਬੀ’ ਨੇ ਇੱਕ ਵੀਡੀਓ ਪਾਈ ਹੈ ਜਿਸ ਵਿੱਚ ਲੁਧਿਆਣੇ ਤੋਂ ਹਜ਼ਾਰਾਂ ਕਿਲੋਮੀਟਰ ਦੂਰ ਉੱਤਰ ਪ੍ਰਦੇਸ਼ ਵਿੱਚ ਆਪਣੇ ਪਿੰਡਾਂ ਵੱਲ਼ ਪੈਦਲ ਤੁਰੇ ਜਾ ਰਹੇ ਮਜ਼ਦੂਰ ਕਹਿ ਰਹੇ ਹਨ ਕਿ ਜੇਕਰ ਉਹ ਇੱਥੇ ਰਹੇ ਤਾਂ ਭੁੱਖੇ ਮਰ ਜਾਣਗੇ। ਫੈਕਟਰੀ ਮਾਲਕ ਉਹਨਾਂ ਦੇ ਕੀਤੇ ਕੰਮ ਦੇ ਪੈਸੇ ਨਹੀਂ ਦੇ ਰਹੇ, ਕਿ ਜੇ ਇਹ ਪੈਸੇ ਮਿਲ ਜਾਂਦੇ ਤਾਂ ਗੁਜ਼ਾਰਾ ਚੱਲ ਜਾਂਦਾ। ਉਹ ਕਿੰਨੀ ਮੁਸੀਬਤ ਵਿੱਚ ਹਨ ਇਸਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਕਿ ਉਹ ਪੁਲਿਸ ਹੱਥੋਂ ਗ੍ਰਿਫਤਾਰ ਹੋਣ ਦਾ ਵੀ ਖਤਰਾ ਉਠਾਉਣ ਨੂੰ ਤਿਆਰ ਹਨ ਕਿਉਂਕਿ ਇਸ ਨਾਲ਼ ਘੱਟੋ-ਘੱਟ ਰੋਟੀ ਤਾਂ ਮਿਲੇਗੀ! ਇਹਨਾਂ ਵਿੱਚੋਂ ਕੁੱਝ ਮਜ਼ਦੂਰ ਇਸ ਭਰਮ ਦਾ ਸ਼ਿਕਾਰ ਹਨ ਕਿ ਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ ਨੇ ਸੂਬੇ ਦੀ ਸਰਹੱਦ ਉੱਤੇ ਉਹਨਾਂ ਨੂੰ ਘਰ ਛੱਡ ਕੇ ਆਉਣ ਲਈ ਬੱਸਾਂ ਦਾ ਪ੍ਰਬੰਧ ਕੀਤਾ ਹੋਇਆ ਹੈ…

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ

ਆਖਰ ਸਾਹਮਣੇ ਆਉਣ ਲੱਗਾ ਕਰੋਨਾਵਾਇਰਸ ਦਾ ਸੱਚ!ਸੰਸਾਰ ਸਿਹਤ ਸੰਸਥਾ ਦੀ ਰਿਪੋਰਟ ‘ਚ ਅਹਿਮ ਖੁਲਾਸਾ

1

ਜਨੇਵਾ: ਦੁਨੀਆ ਵਿੱਚ ਦਹਿਸ਼ਤ ਮਚਾਉਣ ਵਾਲੇ ਕਰੋਨਵਾਇਰਸ ਦੀਆਂ ਪਰਤਾਂ ਹੌਲੀ-ਹੌਲੀ ਖੁੱਲ੍ਹਣੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਦੇ ਇਲਾਜ ਲਈ ਦਵਾਈਆਂ ਵੀ ਬਣਾਈਆਂ ਗਈਆਂ ਹਨ ਜਿਨ੍ਹਾਂ ਦਾ ਟੈਸਟ ਸ਼ੁਰੂ ਹੋ ਗਿਆ ਹੈ। ਹੁਣ ਤੱਕ ਦੇ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ ਇਹ ਬਿਮਾਰੀ ਆਮ ਬੁਖਾਰ ਹੀ ਹੈ ਪਰ ਕਮਜ਼ੋਰ ਇਮਿਊਨਟੀ ਵਾਲੇ ਲੋਕ ਦਾ ਮੁਕਾਬਲਾ ਨਹੀਂ ਕਰ ਸਕਦੇ। ਜਿਹੜੇ ਲੋਕਾਂ ਦਾ ਇਮਿਊਨਟੀ ਸਿਸਟਮ ਮਜ਼ਬੂਤ ਹੈ, ਉਹ ਇਸ ਤੋਂ ਆਰਾਮ ਨਾਲ ਉੱਭਰ ਰਹੇ ਹਨ। ਇਹੀ ਕਾਰਨ ਹੈ ਕਿ ਇਹ ਸਰੀਰਕ ਕੰਮ ਕਰਨ ਵਾਲੇ ਲੋਕਾਂ ਨਾਲੋਂ ਦਿਮਾਗੀ ਕੰਮ ਕਰਨ ਵਾਲੇ ਆਰਾਮ ਪ੍ਰਸਤ ਲੋਕਾਂ ਨੂੰ ਵੱਧ ਹੋ ਰਿਹਾ ਹੈ…

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ

ਭਾਰਤ ਵਿੱਚ ਹਿੰਦੂਤਵੀ ਫਾਸੀਵਾਦ ਦੀ ਚੜ੍ਹਤ ਨੇ ਮੂਰਖਤਾ ਭਰੀਆਂ, ਗੈਰ ਵਿਗਿਆਨਕ ਗੱਲਾਂ ਨੂੰ ਆਮ ਜ਼ਿੰਦਗੀ ਦਾ ਹਿੱਸਾ ਬਣਾ ਦਿੱਤਾ ਹੈ! •ਪਾਵੇਲ

2

ਜਦੋਂ ਭਾਰਤ ਦੀ ਕਿਰਤੀ ਆਬਾਦੀ ਭੁੱਖਣ ਭਾਣੇ ਘਰਾਂ ਵਿੱਚ ਬੰਦ ਹੈ, ਪ੍ਰਵਾਸੀ ਮਜ਼ਦੂਰ ਪੈਦਲ ਹੀ ਮੀਲਾਂ ਦਾ ਸਫ਼ਰ ਕਰ ਰਹੇ ਹਨ, ਭਾਰਤ ਦੇ ਸਿਹਤ ਪ੍ਰਬੰਧਾਂ ਦਾ ਹਾਲ ਬਹੁਤ ਮੰਦਾ ਹੈ, ਡਾਕਟਰਾਂ ਨਰਸਾਂ ਕੋਲ ਮਾਸਕ ਤੇ ਲੋੜੀਂਦਾ ਸਾਜ਼ੋ ਸਮਾਨ ਨਹੀਂ ਹੈ, ਉਸੇ ਵੇਲੇ ਹਿੰਦੂਤਵੀ ਫਾਸੀਵਾਦੀ ਹਾਕਮ ਨੇ ਥਾਲੀ ਵਜਾਉਣ ਤੋਂ ਬਾਅਦ ਹੁਣ ਦੀਵੇ ਬਾਲਣ ਦਾ ਕਾਜ਼ ਭਾਰਤ ਦੇ ਬਸ਼ਿੰਦਿਆਂ ਅੱਗੇ ਰੱਖਿਆ ਹੈ। ਭਾਰਤ ਵਿੱਚ ਭਾਂਤ ਭਾਂਤ ਦੇ ਅੰਧਵਿਸ਼ਵਾਸ ਸਦੀਆਂ ਤੋਂ ਲੋਕਾਂ ਦੇ ਦਿਮਾਗਾਂ ਵਿੱਚ ਪੱਕੇ ਹਨ, ਆਮ ਜੀਵਨ ਦੇ ਵਤੀਰਿਆਂ ਬਾਰੇ ਗੈਰ ਵਿਗਿਆਨਕ- ਗੈਰ ਤਰਕਸ਼ੀਲ ਨਜ਼ਰੀਆ ਸਦੀਆਂ ਤੋਂ ਜੜ੍ਹਾਂ ਜਮਾਈ ਬੈਠਾ ਹੈ, ਮਧਯੁੱਗੀ ਕਦਰਾਂ ਕੀਮਤਾਂ ਦਾ ਬੋਲਬਾਲਾ ਹੈ! ਸੁਭਾਵਿਕ ਹੈ ਹਿੰਦੂਤਵੀ ਫਾਸੀਵਾਦ ਦੀ ਝੰਡਾਬਰਦਾਰ ਜਥੇਬੰਦੀ ਕੌਮੀ ਸਵੈਸੇਵਕ ਸੰਘ ਤੇ ਇਸ ਨਾਲ ਜੁੜੀਆਂ ਭਾਜਪਾ ਸਮੇਤ ਹੋਰ ਜਥੇਬੰਦੀਆਂ ਨੂੰ ਇਹ ਸਭ ਕਦਰਾਂ ਕੀਮਤਾਂ ਖ਼ੂਬ ਰਾਸ ਆ ਰਹੀਆਂ ਹਨ ਤੇ ਆਪਣੀਆਂ ਜੜ੍ਹਾਂ ਮਜ਼ਬੂਤ ਕਰਨ ਵਿੱਚ ਮਦਦ ਮਿਲ ਰਹੀ ਹੈ…

ਪੂਰਾ ਪਡ਼ਨ ਲਈ ਕਲਿਕ ਕਰੋ

ਲਲਕਾਰ ਫੇਸਬੁੱਕ ਪੰਨੇ ਵਿੱਚ ਪਰ੍ਕਾਸ਼ਿਤ