ਲਲਕਾਰ ਦਾ ਨਵਾਂ ਅੰਕ – 1 ਤੋਂ 15 ਅਤੇ 16 ਤੋਂ 31 ਜੁਲਾਈ (ਸੰਯੁਕਤ ਅੰਕ) 2018

Tital

ਤਤਕਰਾ
ਪੜਨ ਲਈ ਕਲਿੱਕ ਕਰੋ

Advertisements

ਫਾਸੀਵਾਦੀ ਵਿਚਾਰਧਾਰਾ ਦਾ ਪ੍ਰਚਾਰਕ ਬਣਿਆ ਵਿਕਾਊ ਮੀਡੀਆ : (‘ਕੋਬਰਾ ਪੋਸਟ’ ਦੇ ਸਟਿੰਗ ਅਪਰੇਸ਼ਨ ਵਿੱਚ ਹੋਏ ਖੁਲਾਸੇ)

5

ਮੌਜੂਦਾ ਭਾਰਤ ਅੰਦਰ ਫਿਰਕੂ ਧੁਰਵੀਕਰਨ ਦੀ ਸਿਆਸਤ ਆਮ ਕਿਰਤੀਆਂ, ਮਜ਼ਦੂਰਾਂ ਉੱਪਰ ਕਹਿਰ ਢਾਹੁੰਦੀ ਹੋਈ ਵੱਡੇ ਸਰਮਾਏਦਾਰਾਂ, ਧਨਾਢਾਂ ਦੀ ਸੇਵਾ ਕਰ ਰਹੀ ਹੈ। ਹਿੰਦੂਤਵ ਦੇ ਨਾਮ ਹੇਠ ਇਹ ਸਿਆਸਤ ਦਿਨੋਂ-ਦਿਨ ਵਧੇਰੇ ਤੇਜ਼ੀ ਨਾਲ਼ ਪੈਰ ਪਸਾਰ ਰਹੀ ਹੈ। ਇਹਦੇ ਲਈ ਰਾਸ਼ਟਰੀ ਸਵੈਸਵੇਕ ਸੰਘ ਤੇ ਉਸ ਨਾਲ਼ ਜੁੜੀਆਂ ਸੈਕੜੇ ਜਥੇਬੰਦੀਆਂ ਦਿਨ-ਰਾਤ ਆਪਣਾ ਕੰਮ ਕਰਕੇ ਸਮਾਜ ਦੀ ਰਗ-ਰਗ ਵਿੱਚ ਫਿਰਕੂ ਜਹਿਰ ਭਰ ਰਹੀਆਂ ਹਨ। ਸੰਘ ਪਰਿਵਾਰ ਦੀਆਂ ਆਪਣੀਆਂ ਫੌਜਾਂ ਤੋਂ ਬਿਨਾਂ ਪ੍ਰਿੰਟ ਤੇ ਇਲੈਕਟ੍ਰਾਨਿਕ ਮੀਡੀਆ ਵੀ ਵੱਡੇ ਪੱਧਰ ‘ਤੇ ਇਹਨਾਂ ਦੀ ਹੀ ਬੋਲੀ ਬੋਲ ਰਿਹਾ ਹੈ। ਹਿੰਦੂਤਵ ਦੀ ਜੈ-ਜੈਕਾਰ, ਮਿਥਿਹਾਸ ਦਾ ਗੁਣਗਾਣ, ਦਿਨ-ਰਾਤ ਚਲਦੇ ਧਾਰਮਿਕ ਪ੍ਰੋਗਰਾਮ, ਪ੍ਰਵਚਨ, ਭਾਜਪਾ ਤੇ ਮੋਦੀ ਦੀ ਫੋਕੀ ਵਾਹ-ਵਾਹ ਤੇ ਅੰਨੇ ਕੌਮਵਾਦ ਨੂੰ ਫੈਲਾਉਣ ਲਈ ਪਾਕਿਸਤਾਨ, ਚੀਨ ਵਿਰੁੱਧ ਨਫ਼ਰਤ ਆਦਿ ਸਾਡੇ ਟੀਵੀ ਚੈਨਲਾਂ, ਵੈਬ ਪੋਰਟਲਾਂ, ਯੂ-ਟਿਊਬ ਚੈਨਲਾਂ ਦੀ ਸੱਚਾਈ ਹੈ। “ਨਿਰਪੱਖਤਾ” ਦੇ ਝੂਠੇ ਲਿਬਾਸ ਹੇਠ ਸਰਮਾਏਦਾਰਾ ਮੀਡੀਆ ਦਾ ਵੱਡਾ ਹਿੱਸਾ ਹਿੰਦੂਤਵ ਦੀ ਬੋਲੀ ਬੋਲ ਰਿਹਾ ਹੈ ਤੇ ਹੋਰ ਵੱਧ ਬੋਲਣ ਲਈ ਤਿਆਰ ਵੀ ਹੈ। ਅਜਿਹਾ ਹੀ ਖੁਲਾਸਾ ‘ਕੋਬਰਾ ਪੋਸਟ’ ਨਾਮੀ ਇੱਕ ਮੀਡੀਆ ਸੰਸਥਾ ਵੱਲੋਂ ਕੀਤਾ ਗਿਆ ਜਿਸ ਵਿੱਚ ਦੇਸ਼ ਤੇ ਖੇਤਰੀ ਪੱਧਰ ਦੀਆਂ ਦਰਜ਼ਨਾਂ ਮੀਡੀਆ ਸੰਸਥਾਵਾਂ ਦਾ ਸਟਿੰਗ ਅਪਰੇਸ਼ਨ ਰਾਹੀਂ ਪਰਦਾ-ਚਾਕ ਕੀਤਾ ਗਿਆ ਹੈ…

(ਪੂਰਾ ਲੇਖ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 7, ਅੰਕ 8-9, 1 ਤੋਂ 15 ਅਤੇ 16 ਤੋਂ 30 ਜੂਨ (ਸੰਯੁਕਤ ਅੰਕ) 2018 ਵਿੱਚ ਪ੍ਰਕਾਸ਼ਿਤ

ਸਰਕਾਰੀ ਬੇਰੁਖੀ ਦੀ ਸ਼ਿਕਾਰ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਯੋਜਨਾ •ਗੁਰਪ੍ਰੀਤ

10

ਇਸ ਵੇਲ਼ੇ ਦੇਸ਼ ਭਰ ਵਿੱਚ ਉੱਚ ਸਿੱਖਿਆ ਪ੍ਰਾਪਤ ਕਰਨ ਦੀ ਇੱਛਾ ਰੱਖਦੇ ਗਰੀਬ ਦਲਿਤ ਤੇ ਕਬਾਇਲੀ ਵਿਦਿਆਰਥੀਆਂ ਦੇ ਸੁਪਨਿਆਂ ਦੀ ਸੰਘੀ ਘੁੱਟੀ ਜਾ ਰਹੀ ਹੈ। ਦੇਸ਼ ਭਰ ਵਿੱਚ 2.5 ਲੱਖ ਤੋਂ ਘੱਟ ਆਮਦਨ ਵਾਲ਼ੇ ਦਲਿਤ ਤੇ ਕਬਾਇਲੀ ਅਤੇ 1 ਲੱਖ ਤੋਂ ਘੱਟ ਆਮਦਨ ਵਾਲ਼ੇ ਹੋਰ ਪੱਛੜੀਆਂ ਜਾਤਾਂ ਦੇ ਵਿਦਿਆਰਥੀਆਂ ਲਈ ਪੋਸਟ ਮੈਟਰਿਕ ਸਕਾਲਰਸ਼ਿਪ ਯੋਜਨਾ ਚੱਲ ਰਹੀ ਹੈ ਜਿਸ ਤਹਿਤ ਇਹਨਾਂ ਵਿਦਿਆਰਥੀਆਂ ਨੂੰ ਮੁਫਤ ਸਿੱਖਿਆ ਮਿਲ਼ਦੀ ਹੈ ਤੇ ਸਬੰਧਤ ਵਿੱਦਿਅਕ ਸੰਸਥਾਵਾਂ ਨੂੰ ਇਸਦਾ ਭੁਗਤਾਨ ਕੇਂਦਰ ਸਰਕਾਰ ਵੱਲੋਂ ਕੀਤਾ ਜਾਂਦਾ ਹੈ। ਪਰ ਯੋਜਨਾ ਦਿਨੋਂ-ਦਿਨ ਸਰਕਾਰੀ ਬੇਰੁਖੀ ਦੀ ਸ਼ਿਕਾਰ ਹੋ ਰਹੀ ਹੈ। 31 ਜਨਵਰੀ ਤੱਕ ਕੇਂਦਰ ਸਰਕਾਰ ਵੱਲ ਇਸ ਯੋਜਨਾ ਤਹਿਤ 6824 ਕਰੋੜ ਰੁਪਏ ਦਾ ਭੁਗਤਾਨ ਬਕਾਇਆ ਖੜਾ ਹੈ। ਇੰਨਾ ਬਕਾਇਆ ਖੜਾ ਹੋਣ ਦੇ ਬਾਵਜੂਦ ਵੀ ਕੇਂਦਰ ਵਿਚਲੀ ਮੋਦੀ ਸਰਕਾਰ ਨੇ ਸਾਲ 2018-19 ਲਈ ਸਕਾਲਰਸ਼ਿਪ ਯੋਜਨਾ ਲਈ ਰਾਸ਼ੀ 3,347.9 ਕਰੋੜ ਤੋਂ ਘਟਾ ਕੇ 3,000 ਕਰੋੜ ਰੁਪਏ ਕਰ ਦਿੱਤੀ ਹੈ। ਇਸਦਾ ਸਾਫ ਮਤਲਬ ਹੈ ਕਿ ਇਹ ਬਕਾਇਆ ਰਾਸ਼ੀ ਹਾਲੇ ਹੋਰ ਸਮਾਂ ਲਟਕੇਗੀ…

(ਪੂਰਾ ਲੇਖ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 7, ਅੰਕ 8-9, 1 ਤੋਂ 15 ਅਤੇ 16 ਤੋਂ 30 ਜੂਨ (ਸੰਯੁਕਤ ਅੰਕ) 2018 ਵਿੱਚ ਪ੍ਰਕਾਸ਼ਿਤ

”ਉਹ ਸਾਨੂੰ ਇੰਝ ਨਿਚੋੜਦੇ ਹਨ ਜਿਵੇਂ ਕੱਪੜੇ ਨਿਚੋੜਦੇ ਹੋਣ” : ਸਰਮਾਏਦਾਰਾਂ ਦੀ ਭਿਆਨਕ ਲੁੱਟ ਦਾ ਸ਼ਿਕਾਰ, ਨਰੋਲ (ਗੁਜਰਾਤ) ਦੇ ਕੱਪੜਾ ਮਜ਼ਦੂਰ •ਰਣਬੀਰ

15

ਗੁਜਰਾਤ ਵਿੱਚ 22 ਸਾਲਾਂ ਤੋਂ ਭਾਜਪਾ ਦੀ ਸਰਕਾਰ ਹੈ। ਇਸ ਸਮੇਂ ਪ੍ਰਧਾਨ ਮੰਤਰੀ ਦੀ ਕੁਰਸੀ ‘ਤੇ ਬੈਠਾ ਨਰਿੰਦਰ ਮੋਦੀ ਇਸ ਦੌਰਾਨ 13 ਸਾਲ ਮੁੱਖ ਮੰਤਰੀ ਰਹਿ ਚੁੱਕਾ ਹੈ। ਜਦ ਨਰਿੰਦਰ ਮੋਦੀ ਗੁਜਰਾਤ ਦਾ ਮੁੱਖ ਮੰਤਰੀ ਹੋਇਆ ਕਰਦਾ ਸੀ ਤਾਂ ਸਰਮਾਏਦਾਰਾ ਮੀਡੀਆ ਵਿੱਚ ”ਗੁਜਰਾਤ ਵਿਕਾਸ ਮਾਡਲ” ਦੇ ਕੁੱਝ ਜ਼ਿਆਦਾ ਹੀ ਚਰਚੇ ਸਨ ਕਿਉਂ ਕਿ ਉਦੋਂ ਮੋਦੀ ਦੀ ਪ੍ਰਧਾਨ ਮੰਤਰੀ ਦੇ ਅਹੁਦੇ ਦੀ ਦਾਅਵੇਦਾਰੀ ਨੂੰ ਪੱਕਾ ਕੀਤਾ ਜਾ ਰਿਹਾ ਸੀ। ਅੱਜ ਵੀ ਮੋਦੀ ਦੀ ਗੋਦੀ ਵਿੱਚ ਬੈਠਾ ਮੀਡੀਆ ”ਗੁਜਰਾਤ ਵਿਕਾਸ ਮਾਡਲ” ਦੇ ਗੁਣਗਾਣ ਕਰਦਾ ਰਹਿੰਦਾ ਹੈ। ਜਦ ਕਿ ਅਸਲੀਅਤ ਇਹ ਹੈ ਕਿ ਗੁਜਰਾਤ ਵਿੱਚ ਕਿਰਤੀ ਲੋਕਾਂ ਦੀ ਹਾਲਤ ਬੇਹੱਦ ਮਾੜੀ ਹੈ। ਮਜ਼ਦੂਰਾਂ-ਕਿਰਤੀਆਂ ਦੇ ਹੱਕ ਕੁਚਲ ਕੇ ਸਰਮਾਏਦਾਰਾਂ ਦਾ ਵਿਕਾਸ ਕੀਤਾ ਜਾਂਦਾ ਰਿਹਾ ਹੈ ਅਤੇ ਅੱਜ ਵੀ ਇਹੋ ਹੋ ਰਿਹਾ ਹੈ। ਭਾਂਵੇਂ ਕਿ ਪੂਰੇ ਦੇਸ਼ ਵਿੱਚ ਹੀ ਅਜਿਹਾ ਹੋ ਰਿਹਾ ਹੈ। ਪਰ ਫਿਰਕੂ ਮਾਹੌਲ ਬਣਾ ਕੇ, ਗੁਜਰਾਤ ਨੂੰ ਫਿਰਕੂ ਨਫ਼ਰਤ ਦੀ ਅੱਗ ਵਿੱਚ ਝੋਕ ਕੇ, ਮੁਸਲਮਾਨਾਂ ਖਿਲਾਫ਼ ਨਸਲਕੁਸ਼ੀ ਭੜਕਾ ਕੇ, ਲੋਕਾਂ ਵਿੱਚ ਵੱਡੇ ਪੱਧਰ ਉੱਤੇ ਫੁੱਟ ਪਾ, ਕਿਰਤੀ ਲੋਕਾਂ ਉੱਤੇ ਜ਼ਬਰ ਦਾ ਕੁਹਾੜਾ ਚਲਾ ਕੇ ਇਹ ਵਿਕਾਸ ਕੁੱਝ ਜ਼ਿਆਦਾ ਹੀ ਕੀਤਾ ਗਿਆ ਹੈ…

(ਪੂਰਾ ਲੇਖ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 7, ਅੰਕ 8-9, 1 ਤੋਂ 15 ਅਤੇ 16 ਤੋਂ 30 ਜੂਨ (ਸੰਯੁਕਤ ਅੰਕ) 2018 ਵਿੱਚ ਪ੍ਰਕਾਸ਼ਿਤ

ਆਰੀਅਨ ਸਵਾਲ, ਨਸਲੀ ਸ਼ੁੱਧਤਾ ਦਾ ਫਾਸੀਵਾਦੀ ਕੂੜ ਪ੍ਰਚਾਰ ਅਤੇ ਅਨੁਵੰਸ਼ਕੀ ਵਿਗਿਆਨ ਦਾ ਸੱਚ •ਸੁਖਦੇਵ ਹੁੰਦਲ

20

ਪ੍ਰਸਿੱਧ ਇਤਿਹਾਸਕਾਰ ਐਰਿਕ ਹਾਬਸਬਾਮ ਨੇ ਕਿਹਾ ਸੀ, “ਕੌਮਵਾਦ ਲਈ ਇਤਿਹਾਸ ਇਵੇਂ ਹੀ ਹੈ ਜਿਵੇਂ ਅਫੀਮ ਦੇ ਅਮਲੀ ਲਈ ਪੋਸਤ।” ਨਵ-ਉਦਾਰਵਾਦ ਦਾ ਸੰਕਟ ਠੱਲਣ ਦਾ ਨਾਂ ਨਹੀ ਲੈ ਰਿਹਾ। ਇੱਕ ਪਾਸੇ ਬੇਸ਼ੁਮਾਰ ਦੌਲਤ ਦੇ ਅੰਬਾਰ ਅਤੇ ਦੂਜੇ ਪਾਸੇ ਗਰੀਬੀ ਅਤੇ ਹੰਝੂਆਂ ਦਾ ਮਹਾਸਾਗਰ ਵਧਦਾ ਜਾ ਰਿਹਾ ਹੈ। ‘ਮੁਨਾਫ਼ੇ ਦੀ ਡਿੱਗਦੀ ਦਰ ਦੇ ਰੁਝਾਨ ਦਾ ਨਿਯਮ’, ਜੋ ਸਰਮਾਏਦਾਰੀ ਆਰਥਿਕ ਪ੍ਰਬੰਧ ਦਾ ਜਮਾਂਦਰੂ ਰੋਗ ਹੈ, ਸਰਮਾਏਦਾਰਾ ਢਾਂਚੇ ਦਾ ਸਾਹ ਘੁੱਟ ਰਿਹਾ ਹੈ। ਮਜਦੂਰਾਂ ਅਤੇ ਕਿਰਤੀ ਜਮਾਤਾਂ ਦੀ ਲੁੱਟ ਅਤੇ ਹੋਰ ਲੁੱਟ, ਪ੍ਰਬੰਧ ਦੇ ਜਿਉਂਦੇ ਰਹਿਣ ਦੀ ਲੋੜ ਬਣ ਗਈ ਹੈ। ਵਧਦੀਆਂ ਮੁਸ਼ਕਲਾਂ ਵਿੱਚੋਂ, ਲੋਕ ਰੋਹ ਦਾ ਪੈਦਾ ਹੋਣਾ ਸੁਭਾਵਕ ਹੀ ਹੈ। ਲੋਕ ਰੋਹ ਕਿਤੇ ਇਨਕਲਾਬ ਦਾ ਰਾਹ ਨਾ ਫੜ ਲਵੇ, ਇਸ ਵਾਸਤੇ ਸਰਮਾਏਦਾਰਾਂ ਅਤੇ ਉਹਨਾਂ ਦੇ ਬੌਧਿਕ, ਵਿਚਾਰਧਾਰਕ ਸਿਪਾਹ-ਸਲਾਰਾਂ ਨੇ ਆਪਣੇ ਅਜਮਾਏ ਹਥਿਆਰ ਅੰਨੇ ਕੌਮਵਾਦ ਨਾਲ਼ ਲੈਸ ਹੋ ਕੇ ਮੈਦਾਨ ਸੰਭਾਲ ਲਿਆ ਹੈ…

(ਪੂਰਾ ਲੇਖ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 7, ਅੰਕ 8-9, 1 ਤੋਂ 15 ਅਤੇ 16 ਤੋਂ 30 ਜੂਨ (ਸੰਯੁਕਤ ਅੰਕ) 2018 ਵਿੱਚ ਪ੍ਰਕਾਸ਼ਿਤ

ਲੋਕਾਂ ਦੀਆਂ ਸਿਹਤ ਸਹੂਲਤਾਂ ਤੋਂ ਪੱਲਾ ਝਾੜ  ਰਹੀਆਂ ਹਨ ਸਰਕਾਰਾਂ : ਮਰੀਜ਼ ਆਪਣੀ ਸਿਹਤ ਦਾ ਖੁਦ ਜ਼ਿੰਮੇਵਾਰ ਹੈ! •ਬਲਜੀਤ

6

ਸਾਡੇ ਦੇਸ਼ ਦਾ ਵੱਡਾ ਹਿੱਸਾ ਮਜ਼ਦੂਰ-ਕਿਰਤੀ ਅਬਾਦੀ ਹੈ ਜੋ ਸਾਰੇ ਦੇਸ਼ ਲਈ ਅੰਨ, ਕੱਪੜਾ, ਘਰ, ਹਸਪਤਾਲ, ਕਿਤਾਬਾਂ ਤੇ ਹਰ ਤਰਾਂ ਦੀਆਂ ਰੋਜ਼ਾਨਾ ਵਰਤੋਂ ਦੀਆਂ ਚੀਜ਼ਾਂ ਪੈਦਾ ਕਰਦੀ ਹੈ ਪਰ ਖੁਦ ਇਹਨਾਂ ਦੀ ਵਰਤੋਂ ਤੋਂ ਵਾਂਝੀ ਰਹਿ ਜਾਂਦੀ ਹੈ। ਦਿਨ ਰਾਤ ਇੱਕ ਕਰਕੇ ਮਿਹਨਤ ਕਰਨ ਦੇ ਬਾਵਜੂਦ ਵੀ ਘੱਟ ਆਮਦਨੀ ਹੋਣ ਕਾਰਨ ਚੰਗੇ ਪੋਸ਼ਟਿਕ ਭੋਜ਼ਨ ਦੀ ਕਮੀ, ਪੀਣ ਵਾਲ਼ੇ ਸਾਫ਼ ਪਾਣੀ ਦੀ ਕਮੀ, ਗੰਦਗੀ ਭਰੀਆਂ ਰਹਿਣ ਦੀਆਂ ਥਾਂਵਾਂ, ਗੁਜ਼ਾਰੇ ਲਈ ਵਧੇਰੇ ਔਖੇ ਹਲਾਤਾਂ ਵਿੱਚ ਕੰਮ ਕਰਨ ਤੋਂ ਬਾਅਦ ਅਰਾਮ ਦੀ ਕਮੀ ਤੇ ਸਿਹਤ ਸਬੰਧੀ ਅਗਿਆਨਤਾ ਕਾਰਨ ਇਨਾਂ ਲੋਕਾਂ ਨੂੰ ਭਿਆਨਕ ਬਿਮਾਰੀਆਂ ਘੇਰ ਲੈਂਦੀਆਂ ਹਨ ਤੇ ਬਿਮਾਰੀਆਂ ਨਾਲ਼ ਲੜਣ ਦੀ ਤਾਕਤ ਵੀ ਘੱਟ ਜਾਂਦੀ ਹੈ। ਜਿਸ ਕਾਰਨ ਲੋਕ (ਖਾਸਕਰ ਔਰਤਾਂ ਤੇ ਬੱਚੇ) ਵਾਰ-ਵਾਰ ਬਿਮਾਰ ਹੁੰਦੇ ਹਨ…

(ਪੂਰਾ ਲੇਖ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 7, ਅੰਕ 8-9, 1 ਤੋਂ 15 ਅਤੇ 16 ਤੋਂ 30 ਜੂਨ (ਸੰਯੁਕਤ ਅੰਕ) 2018 ਵਿੱਚ ਪ੍ਰਕਾਸ਼ਿਤ

ਜ਼ਿੰਦਗੀ ਜਿਉਣ ਦਾ ਹੱਕ ਸਾਨੂੰ ਵੀ ਹੈ!! •ਰਵਿੰਦਰ  

18

ਪੱਥਰਾਂ ਨਾਲ਼ ਭਰੇ ਟਰੱਕ, ਠੱਕ-ਠੱਕ ਦੀਆਂ ਅਵਾਜ਼ਾ, ਪੱਥਰਾਂ ਨੂੰ ਤੋੜਦੇ ਹਥੌੜੇ, ਅਸਮਾਨੀ ਉੱਡਦੇ ਰੇਤੇ ਦੇ ਗੁਬਾਰ, ਧੂੜ ਨਾਲ਼ ਲੱਥ-ਪੱਥ ਮਨੁੱਖੀ ਸਰੀਰ, ਅੰਦਰ ਧਸੀਆਂ ਗੱਲਾਂ, ਰੰਗਦਾਰ ਪੱਥਰਾਂ ਨਾਲ ਮੱਥਾਂ ਲਾਉਦੇ ਹਨ ਤਾਂ ਜੋ ਜਿਉਂਦੇ ਰਹਿ ਸਕਣ ਜਾਂ ਕੰਮ ਕਰਨ ਲਈ ਹੀ ਉਹ ਜਿਉਦੇ ਹਨ! ਉਂਝ ਤਾਂ ਇਸ ਤਰਾਂ ਦੀ ਕਿਰਤ ਕਰਨ ਵਾਲ਼ੇ ਲੋਕੀ ਦੁਨੀਆਂ ਦੇ ਹਰ ਕੋਨੇ ‘ਚ ਵੱਸਦੇ ਹਨ, ਪਰ ਅੱਜ ਆਪਾਂ ਰਾਜਸਥਾਨ ਦੀਆਂ ਖਾਣਾ ਵਿੱਚ ਖੁਦਾਈ ਕਰਨ ਵਾਲ਼ੇ ਮਜ਼ਦੂਰਾਂ ਦੀ ਜ਼ਿੰਦਗੀ ਬਾਰੇ ਗੱਲ ਕਰਦੇ ਹਾਂ। ਰਾਜਸਥਾਨ ਦੀ ਧਰਤੀ ਵਿੱਚ 67 ਤਰਾਂ ਦੇ ਖਣਿਜ ਪਦਾਰਥ, ਕੁਦਰਤੀ ਪੱਥਰ ਜਿਸ ਵਿੱਚ ਮਾਰਬਲ, ਗ੍ਰੇਨਾਇਟ, ਸੈਂਡਸਟੋਨ (ਕੌਬਲ ਸਟੋਨ ਕੋਟਾ, ਬੂੰਦੀ ਜ਼ਿਲਿਆਂ ‘ਚੋਂ) ਆਦਿ ਮਿਲ਼ਦੇ ਹਨ ਤੇ ਕੁੱਲ 30,000 ਖਾਣਾਂ ਹਨ…

(ਪੂਰਾ ਲੇਖ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 7, ਅੰਕ 8-9, 1 ਤੋਂ 15 ਅਤੇ 16 ਤੋਂ 30 ਜੂਨ (ਸੰਯੁਕਤ ਅੰਕ) 2018 ਵਿੱਚ ਪ੍ਰਕਾਸ਼ਿਤ