ਨੌਜਵਾਨਾਂ ‘ਚ ਵਧ ਰਹੀਆਂ ਖੁਦਕੁਸ਼ੀਆਂ ਤੇ ‘ਬਲੂ ਵੇਲ’ •ਬਲਤੇਜ਼

bluewhale_bram_art_ina (1)

ਤੇ ਹੁਣ ਇਹ ਮੌਤ ਅੰਧੇਰੀ (ਮੁੰਬਈ) ਵਿੱਚ ਵੀ ਦਸਤਕ ਦੇ ਚੁੱਕੀ ਹੈ। ਗਰੀਬੀ, ਬੇਰੁਜ਼ਗਾਰੀ, ਭੁੱਖਮਰੀ ਵਰਗੀਆਂ ਅਲਾਮਤਾਂ ਦੇ ਨਾਲ਼ ਨਾਲ਼ ਇਹ ਢਾਂਚਾ ਲੋਕਾਂ ਵਿੱਚ ਬੇਗਾਨਗੀ, ਬੇਭਰੋਸਗੀ ਵੀ ਲਗਾਤਾਰ ਵਧਾ ਰਿਹਾ ਹੈ ਤੇ ਇਕੱਲੇਪਣ ਦੇ ਸ਼ਿਕਾਰ ਇਹ ਲੋਕ ਤੁਹਾਨੂੰ ਆਮ ਮੱਧਵਰਗੀ ਘਰਾਂ ਵਿੱਚ ਆਮ ਹੀ ਮਿਲ਼ ਸਕਦੇ ਹਨ। ਜਿੱਥੇ ਬਚਪਨ ਤੋਂ ਹੀ ਬੱਚਿਆਂ ਨੂੰ ਇੱਕ ਅਜੀਬ ਹੀ ਕੁੱਤਾ ਦੌੜ ਵਿੱਚ ਛੱਡ ਦਿੱਤਾ ਜਾਂਦਾ ਹੈ ਤੇ ਉਹਨਾਂ ਦੇ ਟੀਚੇ ਵੀ ਮਿੱਥ ਦਿੱਤੇ ਜਾਂਦੇ ਹਨ ਕਿ ਜਿਹੜਾ ਤੇਜ਼ ਭੱਜੇਗਾ ਉਹ ਵੱਧ ਕਮਾਵੇਗਾ। ਬੱਚਿਆਂ ਦੀ ਦੂਜਿਆਂ ਨਾਲ਼ ਤੁਲਨਾ ਕਰਕੇ ਦਿਖਾਈ ਜਾਂਦੀ ਹੈ ਕਿ ਦੇਖੋ ਉਹ ਅੱਜ ਕਿੰਨਾਂ ਅਮੀਰ ਹੈ ਦੇਖੋ ਉਹ ਅੱਜ ਕਿੱਥੇ ਹੈ, ਭਾਵੇਂ ਇਹ ਕਦੇ ਨਹੀਂ ਦੱਸਿਆ ਜਾਂਦਾ ਕਿ ਅਮੀਰ ਬਣਿਆ ਕਿਵੇਂ ਜਾਂਦਾ ਹੈ। ਮਜ਼ਦੂਰਾਂ ਦੀ ਖੂਨ-ਪਸੀਨੇ ਦੀ ਕਮਾਈ ਤੇ ਟਿਕੇ ਆਲੀਸ਼ਾਨ ਬੰਗਲਿਆਂ ਵਿੱਚ ਬੈਠੇ ਵਿਹਲੜਾਂ ਦੀਆਂ ਬੱਚਿਆਂ ਨੂੰ ਉਦਾਹਰਨਾਂ ਦਿੱਤੀਆਂ ਜਾਂਦੀਆਂ ਹਨ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 6, ਅੰਕ 13, 16 ਅਗਸਤ 2017 ਵਿੱਚ ਪ੍ਰਕਾਸ਼ਿਤ

Advertisements

ਨਿਤੀਸ਼ ਕੁਮਾਰ ਦੀ ਡੱਡੂ-ਟਪੂਸੀ ਅਤੇ ਸਰਮਾਏਦਾਰਾ ਜਮਹੂਰੀਅਤ ਦਾ ਤਮਾਸ਼ਾ •ਸੰਪਾਦਕੀ

1

26 ਜੁਲਾਈ ਨੂੰ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਅਸਤੀਫ਼ਾ ਦੇ ਦਿੱਤਾ ਕਿਉਂਕਿ ਉਹ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਰਾਸ਼ਟਰੀ ਜਨਤਾਦਲ (ਲਾਲੂ ਯਾਦਵ ਦੀ ਪਾਰਟੀ) ਨਾਲ਼ “ਹੋਰ ਨਹੀਂ ਚੱਲ ਸਕਦਾ” ਸੀ। ਰਾਤੋਰਾਤ ਨਿਤੀਸ਼ ਕੁਮਾਰ ਨੂੰ ਰਾਤ ਦੇ ਹਨੇਰਿਆਂ ਦੀ ਚਿੱਟੀ ਭੂਤਨੀ ਭਾਜਪਾ ਨੇ ਹਮਾਇਤ ਦੇ ਦਿੱਤੀ ਅਤੇ ਅਗਲੇ ਦਿਨ ਹੀ ਨਿਤੀਸ਼ ਕੁਮਾਰ ਇੱਕ ਵਾਰ ਫ਼ਿਰ “ਚੁਣਿਆ ਹੋਇਆ” ਮੁੱਖ ਮੰਤਰੀ ਸੀ! ਸਭ ਨੂੰ ਪਤਾ ਹੈ ਕਿ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਭਾਜਪਾ ਲਾਲੂ ਯਾਦਵ ਐਂਡ ਕੰਪਨੀ ਤੋਂ ਪਿੱਛੇ ਨਹੀਂ ਸਗੋਂ ਦੋ ਕੀ ਕਈ ਕਦਮ ਅੱਗੇ ਹੋਵੇਗੀ, ਤੇਜਸਵੀ ਯਾਦਵ (ਲਾਲੂ ਯਾਦਵ ਦਾ “ਯੋਗ” ਫਰਜੰਦ) ਉੱਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ ਤੇ ਸੀਬੀਆਈ ਵੱਲੋਂ ਦਰਜ਼ ਕੇਸ ਸਿਰਫ਼ ਬਹਾਨਾ ਬਣਾਇਆ ਗਿਆ। ਇਹ ਵੀ ਪੂਰੀ ਸੰਭਾਵਨਾ ਹੈ, ਜਿਵੇਂ ਕਿ ਲਾਲੂ ਯਾਦਵ ਨੇ ਵੀ ਬਿਆਨ ਦਿੱਤਾ ਹੈ, ਨਿਤੀਸ਼ ਕੁਮਾਰ ਉੱਤੇ 1991 ਵਿੱਚ ਇੱਕ ਕਤਲ ਦੇ ਮਾਮਲੇ ਵਿੱਚ ਸ਼ਾਮਿਲ ਹੋਣ ਦੇ ਦਰਜ ਹੋਏ ਕੇਸ ਨੂੰ ਭਾਜਪਾ ਨੇ ਨਿਤੀਸ਼ ਕੁਮਾਰ ਦੀ ਬਾਂਹ ਮਰੋੜਨ ਲਈ ਵਰਤਿਆ ਹੋਵੇ, ਤੇ ਅੱਗੇ ਨਿਤੀਸ਼ ਬਾਬੂ ਬਾਂਹ ਮਰੋੜੇ ਜਾਣ ਲਈ ਪਹਿਲਾਂ ਹੀ ਖੁਸ਼ੀ-ਖੁਸ਼ੀ ਤਿਆਰ ਬੈਠੇ ਸਨ!…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 6, ਅੰਕ 13, 16 ਅਗਸਤ 2017 ਵਿੱਚ ਪ੍ਰਕਾਸ਼ਿਤ

ਸਿੱਖਿਆ ਨੂੰ ਪੈਦਾਵਾਰੀ ਕਿਰਤ ਨਾਲ਼ ਜੋੜਨਾ ਜਰੂਰੀ ਹੈ •ਲੁ ਤਿੰਗ-ਈ

Graphic1

ਇਸ ਸਾਲ ਦੇ ਸ਼ੁਰੂ ਤੋਂ ਹੀ ਸਾਡੇ ਦੇਸ਼ ‘ਚ ਸਿੱਖਿਆ ਦਾ ਵਿਕਾਸ ਬਹੁਤ ਤੇਜ਼ੀ ਨਾਲ਼ ਹੋ ਰਿਹਾ ਹੈ। ਸੂਬਾ ਅੰਕੜਾ ਬਿਉਰੋ ਦੁਆਰਾ ਇਕੱਠੇ ਕੀਤੇ ਜੂਨ ਦੇ ਅੰਤ ਤੱਕ ਦੇ ਅੰਕੜਿਆਂ ਤੋਂ, ਜੋ ਹਾਲੇ ਅਧੂਰੇ ਹਨ, ਪਤਾ ਲਗਦਾ ਹੈ ਕਿ 1,240 ਕਾਉਂਟਿਆਂ (ਚੀਨ ਵਿੱਚ ਜ਼ਿਲਾ ਬਰਾਬਰ ਦੀ ਪ੍ਰਸ਼ਾਸਨਿਕ ਇਕਾਈ-ਅਨੁ) ਵਿੱਚ ਸਰਵ-ਵਿਆਪੀ ਪ੍ਰਾਇਮਰੀ ਸਕੂਲ ਸਿੱਖਿਆ1 ਦਾ ਪ੍ਰਬੰਧ ਹੋ ਗਿਆ ਹੈ; 68,000 ਮਿਡਲ ਸਕੂਲਾਂ ਦਾ ਸੰਚਾਲਨ ਲੋਕ ਖੁਦ ਕਰ ਰਹੇ ਹਨ; 400 ਤੋਂ ਜ਼ਿਆਦਾ ਉੱਚ ਸਿੱਖਿਆ ਸੰਸਥਾਵਾਂ ਹੁਣੇ ਹੀ ਸਥਾਨਕ ਹਕੂਮਤ ਦੁਆਰਾ ਕਾਇਮ ਕੀਤੀਆਂ ਗਈਆਂ ਹਨ; ਲੱਗਭਗ 9 ਕਰੋੜ ਜਾਂ ਉਸ ਤੋਂ ਵੀ ਜ਼ਿਆਦਾ ਲੋਕ ਸਾਖ਼ਰਤਾ ਕੋਰਸ ਪੂਰੇ ਕਰ ਰਹੇ ਹਨ ਅਤੇ 444 ਕਾਉਂਟੀਆਂ ਵਿੱਚ ਨਿਰਅੱਖਰਤਾ  ਮੁੱਖ ਰੂਪ ‘ਚ ਮਿਟਾ ਦਿੱਤੀ ਗਈ ਹੈ। ਦੋਸ਼ ਨਿਵਾਰਣ ਲਹਿਰ ਅਤੇ ਸਰਮਾਏਦਾਰਾ ਸੱਜੇਪੱਖੀਆਂ ਖਿਲਾਫ ਘੋਲ਼ ਵਿੱਚ ਜੋ ਜਿੱਤ ਹਾਸਲ ਹੋਈ, ਉਸ ਨਾਲ਼ ਸਾਡੇ ਦੇਸ਼ ਵਿੱਚ ਸੱਨਅਤ ਅਤੇ ਖੇਤੀ ਵਿੱਚ ਲੰਬੀਆਂ ਪੁਲਾਂਘਾ ਪੁੱਟਣ ਦਾ ਮੌਕਾ ਮਿਲ਼ਿਆ ਹੈ। ਇਸ ਲੰਬੀ ਪੁਲਾਂਗ ਨਾਲ਼ ਤਕਨੀਕ ਅਤੇ ਸੱਭਿਆਚਾਰਕ ਇਨਕਲਾਬ ਵਿੱਚ ਇੱਕ ਉਭਾਰ ਪੈਦਾ ਹੋ ਗਿਆ ਹੈ। ਸਿੱਖਿਆ ‘ਚ ਜੋ ਮਹਾਨ ਵਿਕਾਸ ਹੋਇਆ ਹੈ, ਉਹ ਸੱਭਿਆਚਾਰਕ ਇਨਕਲਾਬ ਦੇ ਮਹਾਨ ਉਭਾਰ ਦਾ ਇੱਕ ਪ੍ਰਤੀਕ ਹੈ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 6, ਅੰਕ 12, 1 ਅਗਸਤ 2017 ਵਿੱਚ ਪ੍ਰਕਾਸ਼ਿਤ

ਸਮਾਜਵਾਦੀ ਨਿਜ਼ਾਮ ਬਨਾਮ ਸਰਮਾਏਦਾਰੀ ਨਿਜ਼ਾਮ •ਗੁਰਮੇਲ ਗਿੱਲ

22

ਮੇਰੇ ਦਿਲ ਨੂੰ ਬੜਾ ਧੱਕਾ ਲੱਗਦਾ ਹੈ ਜਦੋਂ ਮੈਂ ਦੇਖਦਾ ਹਾਂ ਕਿ ਸਾਡੇ ਉਹ ਦੋਸਤ ਜੋ ਮੌਜੂਦਾ ਸਰਮਾਏਦਾਰੀ ਦੀ ਲੁੱਟ ਦੇ ਸ਼ਿਕਾਰ ਹਨ ਪਰ ਫਿਰ ਵੀ ਸਮਾਜਵਾਦੀ ਢਾਂਚੇ ਦਾ ਅੰਨਾ ਵਿਰੋਧ ਕਰਦੇ ਹਨ। ਇਸ ਦਾ ਮੁੱਖ ਕਾਰਨ ਹੈ ਕਿ ਉਹ ਮੀਡੀਆ ਵਲੋਂ ਜੋ ਸਾਰੇ ਦਾ ਸਾਰਾ ਸਰਮਾਏਦਾਰਾ ਕੰਟਰੋਲ ਹੇਠ ਹੈ ਸਮਾਜਵਾਦ ਖਿਲਾਫ ਬੇਸਿਰ ਪੈਰ, ਤੱਥ ਰਹਿਤ, ਧੂਆਂਧਾਰ ਝੂਠੇ ਪ੍ਰਚਾਰ ਦਾ ਸ਼ਿਕਾਰ ਹਨ। ਸਮਾਜਵਾਦ ਦੀ ਹਾਰ ਵਿੱਚ ਹੀ ਸਰਮਾਏਦਾਰੀ ਦੀ ਜ਼ਿੰਦਗੀ ਧੜਕਦੀ ਹੈ ਤੇ ਇਸ ਲਈ ਉਸ ਦਾ ਸਾਰਾ ਜੋਰ ਉਸ ਨੂੰ ਬਦਨਾਮ ਕਰਕੇ ਆਪਣੀ ਉਮਰ ਲੰਬੀ ਕਰਨ ਵਿੱਚ ਲੱਗਾ ਹੋਇਆ ਹੈ। ਦੂਸਰਾ ਕਾਰਨ ਮੇਰੇ ਦੋਸਤਾਂ ਦਾ ਸਮਾਜਵਾਦੀ ਢਾਂਚੇ ਜਾਂ ਜਮਾਤੀ ਬਣਤਰ ਬਾਰੇ ਗਿਆਨ ਦੀ ਘਾਟ ਜਾਂ ਕੱਚਘਰੜ ਗਿਆਨ ਹੋਣਾ ਹੈ, ਜੋ ਸਰਮਾਏਦਾਰੀ ਮੀਡੀਆ ਦੁਆਰਾ ਤੁੰਨ ਤੁੰਨ ਕੇ ਉਨਾਂ ਦੇ ਦਿਮਾਗਾ ਵਿੱਚ ਭਰ ਦਿੱਤਾ ਗਿਆ ਹੈ। ਮੇਰੇ ਧਾਰਮਿਕ ਦੋਸਤ ਮਾਰਕਸਵਾਦੀਆਂ ਦੇ ਨਾਸਤਕ ਹੋਣ ਕਰਕੇ ਤੇ ਮਾਰਕਸ ਦੁਆਰਾ ਧਰਮ ਨੂੰ ਅਫੀਮ ਕਹਿਣ ਕਰਕੇ ਇਸ ਦਾ ਅੰਨਾ ਵਿਰੋਧ ਕਰੀ ਜਾ ਰਹੇ ਹਨ। ਇਹੀ ਕਾਰਨ ਹਨ ਕਿ ਉਹ ਆਪਣੇ ਦੁਸ਼ਮਣ ਨੂੰ ਨਾ ਪਹਿਚਾਣਦੇ ਹੋਏ ਉਸ ਦੇ ਪਾਲੇ ਵਿੱਚ ਜਾ ਖੜਦੇ ਹਨ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 6, ਅੰਕ 12, 1 ਅਗਸਤ 2017 ਵਿੱਚ ਪ੍ਰਕਾਸ਼ਿਤ

ਜਪਾਨੀ ਅਰਥਚਾਰਾ – ਛੂ ਮੰਤਰ ਹੁੰਦਾ ਏਸ਼ੀਆ ਦਾ ‘ਚਮਤਕਾਰ’ •ਮਾਨਵ

3

2007-08 ਵਿੱਚ ਅਮਰੀਕਾ ਤੋਂ ਸ਼ੁਰੂ ਹੋਏ ਆਰਥਿਕ ਸੰਕਟ ਦਾ ਫੈਲਾਅ ਜਲਦ ਹੀ ਸੰਸਾਰ ਦੇ ਹੋਰਨਾਂ ਵਿਕਸਤ ਮੁਲਕਾਂ ਵਿੱਚ ਵੀ ਹੋਇਆ ਅਤੇ ਫ਼ਿਰ ਇਸ ਨੇ ਭਾਰਤ, ਚੀਨ ਜਿਹੇ ਵਿਕਾਸਸ਼ੀਲ ਮੁਲਕਾਂ ਉੱਤੇ ਵੀ ਆਪਣਾ ਅਸਰ ਦਿਖਾਇਆ। ਜਪਾਨ ਸਰਮਾਏਦਾਰਾ ਆਰਥਿਕ ਸੰਕਟ ਦੀ ਇੱਕ ਨਿਵੇਕਲੀ ਮਿਸਾਲ ਹੈ। ਐਥੇ 2007-08 ਦੇ ਸੰਕਟ ਤੋਂ ਤਕਰੀਬਨ 20 ਸਾਲ ਪਹਿਲਾਂ ਆਰਥਿਕ ਸੰਕਟ ਦੀ ਸ਼ੁਰੂਆਤ ਹੁੰਦੀ ਹੈ ਜੋ ਅਗਲੇ ਵੀਹ ਸਾਲ (2007-08) ਤੱਕ ਜਾਰੀ ਰਹਿੰਦਾ ਹੈ ਅਤੇ ਇਸ ਮਗਰੋਂ ਹੋਰ ਵੀ ਗੰਭੀਰ ਹੁੰਦਾ ਹੈ। ਜਪਾਨ ਦੀ ਇਸ ਨਿਵੇਕਲੀ ਸਥਿਤੀ ਉੱਤੇ, ਇਸ ਦੇ ਲਮਕਵੇਂ ਸੰਕਟ ਬਾਰੇ ਚਰਚਾ ਕਰਨੀ ਕਿਉਂ ਜਰੂਰੀ ਹੈ ? ਜਪਾਨ ਇਸ ਸਮੇਂ ਸੰਸਾਰ ਦੀ ਤੀਜੀ ਸਭ ਤੋਂ ਵੱਡੀ ਆਰਥਿਕਤਾ ਹੈ, ਵਿਕਸਿਤ ਮੁਲਕਾਂ ਵਿੱਚ ਇਹ ਦੂਜੀ ਸਭ ਤੋਂ ਵੱਡੀ ਆਰਥਿਕਤਾ ਬਣਦੀ ਹੈ। ਜਪਾਨ ਦੀ ਕੁੱਲ ਆਰਥਿਕਤਾ ਪੂਰੇ ਸੰਸਾਰ ਦੀ ਆਰਥਿਕਤਾ ਦਾ 8% ਬਣਦੀ ਹੈ। ਸੰਸਾਰ ਦੀ ਆਟੋ ਸਨਅਤ ਵਿੱਚ ਇਸ ਦਾ ਨੰਬਰ ਤੀਜਾ ਹੈ ਜਦਕਿ ਬਿਜਲਈ ਸਾਜ਼ੋ-ਸਮਾਨ ਅਤੇ ਤਕਨੀਕ ਦੇ ਮੁਕਾਬਲੇ ਵਿੱਚ ਇਹ ਸੰਸਾਰ ਦੀ ਆਗੂ ਸ਼ਕਤੀ ਹੈ। ਕਿਹਾ ਜਾਵੇ ਤਾਂ ਇਹ ਸੰਸਾਰ ਆਰਥਿਕਤਾ ਦੀਆਂ ਜੀਵਨ ਰਗਾਂ ਵਿੱਚੋਂ ਇੱਕ ਹੈ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 6, ਅੰਕ 12, 1 ਅਗਸਤ 2017 ਵਿੱਚ ਪ੍ਰਕਾਸ਼ਿਤ

ਚੰਡੀਗੜ ਅਤੇ ਮੋਦੀ ਦੇ ‘ਸਮਾਰਟ ਸਿਟੀ’ ਪ੍ਰੋਜੈਕਟ •ਅਮਨਦੀਪ

1

ਜਦੋਂ ਕਦੇ ਚੰਡੀਗੜ ਤੋਂ ਬਾਹਰ ਆਉਣਾ-ਜਾਣਾ ਹੁੰਦਾ ਹੈ ਤਾਂ ਇਸ ਟਾਪੂ ਦੀਆਂ ਹੱਦਾਂ ਸਾਫ਼ ਦਿਖਾਈ ਦਿੰਦੀਆਂ ਹਨ। ਲੁਧਿਆਣਾ, ਜਲੰਧਰ ਜਾਂਦੇ ਹੋਏ ਵੇਰਕਾ ਚੌਂਕ ਲੰਘਦੇ ਹੀ ਇਹ ਸੁੱਖ-ਸੁਵਿਧਾ ਵਾਲ਼ਾ ਜੀਵਨ ਪਿੱਛੇ ਛੁੱਟ ਜਾਂਦਾ ਹੈ ਅਤੇ ਸਭ ਕੁੱਝ ਘੜਮੱਸ ਭਰਿਆ ਤੇ ਬੇਤਰਤੀਬ ਲੱਗਦਾ ਹੈ। ਪਟਿਆਲਾ, ਦਿੱਲੀ ਜਾਂਦੇ ਹੋਏ ਟ੍ਰਿਬਿਊਨ ਚੌਕ ਟੱਪਦੇ ਹੀ ਮਨ ਬੇਚੈਨ ਜਿਹਾ ਹੋਣ ਲੱਗਦਾ ਹੈ। ਇੱਕ ਅਦਿੱਖ ਲਕੀਰ ਹੈ ਜਿਸ ਦੇ ਇੱਕ ਪਾਸੇ ਸਭ ਸਹੂਲਤਾਂ ਤੇ ਦੂਜੇ ਪਾਸੇ ਬਿਜਲੀ, ਪਾਣੀ ਦੀ ਸਪਲਾਈ, ਪਾਣੀ ਦਾ ਨਿਕਾਸ, ਸੜਕਾਂ, ਹਰ ਬੁਨਿਆਦੀ ਚੀਜ਼ ਵੀ ਖਸਤਾ ਹਾਲ ਹੈ। ਆਖ਼ਰ ਬਾਕੀ ਸ਼ਹਿਰਾਂ ਤੇ ਪਿੰਡਾਂ ਨੂੰ ਕਿਉਂ ਨਹੀਂ ਚੰਡੀਗੜ ਵਾਂਗ ਸੰਵਾਰਿਆ ਜਾਂਦਾ ? ਬਾਕੀ ਇਲਾਕਿਆਂ ਦੀ ਗ਼ਰੀਬੀ ਤੇ ਕੰਗਾਲੀ ਵੇਖ ਕੇ ਇਹ ਸਵਾਲ ਸਹਿਜੇ ਹੀ ਜ਼ਿਹਨ ਵਿੱਚ ਉੱਠਦੇ ਹਨ…

(ਪੂਰਾ ਪਡ਼ਨ ਲਈ ਕਲਿਕ ਕਰੋ)

“ਤਬਦੀਲੀ ਪਸੰਦ ਨੌਜਵਾਨਾਂ ਦੀ ਲਲਕਾਰ” – ਸਾਲ 6, ਅੰਕ 12, 1 ਅਗਸਤ 2017 ਵਿੱਚ ਪ੍ਰਕਾਸ਼ਿਤ